మ్యాచ్ జరుగుతున్న సమయంలో స్టేడియం స్టాండ్స్‌లో కూర్చున్న అనుష్క శర్మ చేతి వేలికి ఒక చిన్న డిజిటల్ రింగ్ కనిపించింది. చాలామంది అది నార్మల్ ఉంగరం అనుకున్నారు కానీ, అసలు విషయం తెలిశాక ఆశ్చర్యపోతున్నారు. అది ఒక డిజిటల్ జపం కౌంటర్ రింగ్ (Digital Tally Counter Ring). మన సాంప్రదాయ జపమాల తరహాలోనే, భగవంతుడి నామస్మరణను లేదా ప్రార్థనలను లెక్కించుకోవడానికి ఈ ఆధునిక ఎలక్ట్రానిక్ పరికరాన్ని వాడుతుంటారు.

ఫ్యాన్స్ క్రేజీ కామెంట్స్: ఆర్‌సీబీ జట్టు ఏకంగా 92 పరుగుల భారీ తేడాతో ఘన విజయం సాధించగానే అనుష్క శర్మ ఆనందానికి అవధులు లేకుండా పోయాయి. ఆమె గాల్లోకి చేతులెత్తి సంబరాలు చేసుకున్న విజువల్స్ నెట్టింట ట్రెండ్ అవుతున్నాయి. ఈ ఫోటోలను చూసిన అభిమానులు “నిన్నటి మ్యాచ్‌లో ఆర్‌సీబీ గెలవడానికి విరాట్ కోహ్లీ ఆట ఎంత కారణమో.. స్టేడియంలో కూర్చుని అనుష్క శర్మ చేసిన ప్రార్థనలు కూడా అంతే కారణం” అంటూ కామెంట్లు పెడుతున్నారు. డిజిటల్ యుగంలో సాంప్రదాయాన్ని మిక్స్ చేస్తూ అనుష్క శర్మ భర్త జట్టు కోసం, ఆర్‌సీబీ గెలుపు కోసం అంతలా ప్రార్థించడం ఇప్పుడు క్రికెట్ వర్గాల్లో హాట్ టాపిక్‌గా మారింది.