రాబోయే దేశవాళీ సీజన్‌లోనూ అతడు గోవా జట్టు తరఫునే కొనసాగనున్నట్లు ‘స్పోర్ట్‌స్టార్’ తాజా కథనంలో వెల్లడించింది. ఐపీఎల్ 2026 సీజన్‌లో లక్నో సూపర్ జెయింట్స్ (LSG) జట్టుకు ప్రాతినిధ్యం వహించిన 26 ఏళ్ల అర్జున్, ఇటీవల గోవా జట్టు చేపట్టిన ఒమన్ పర్యటనకు దూరమయ్యాడు. దీంతో అతడు గోవా జట్టును వీడి మరో రాష్ట్రానికి మారనున్నాడనే వార్తలు జోరుగా ప్రచారమయ్యాయి. అయితే, అర్జున్ గోవా జట్టులోనే ఉంటాడని ఆ అసోసియేషన్ వర్గాలు స్పష్టం చేయడంతో ఈ వార్తలకు ముగింపు పడింది.