నందమూరి బాలకృష్ణ అభిమానులకు అదిరిపోయే అప్‌డేట్ బయటకు వచ్చింది. బాలయ్య ప్రస్తుతం తన గాయం నుంచి పూర్తిగా కోలుకునే పనిలో ఉన్నారు. ఆరోగ్యం పూర్తిగా కుదుటపడిన వెంటనే ‘NBK 111’ షూటింగ్‌లో పాల్గొనేందుకు సిద్ధమవుతున్నట్లు సమాచారం. గోపిచంద్ మలినేని దర్శకత్వంలో తెరకెక్కుతున్న ఈ సినిమాపై ఇప్పటికే భారీ అంచనాలు ఉన్నాయి. బాలయ్య మాస్ ఇమేజ్‌కు తగ్గట్టుగా ఈ సినిమాను తెరకెక్కిస్తున్నారనే వార్తలు మొదలైనప్పటి నుంచే అభిమానుల్లో ఆసక్తి పెరిగింది.