అప్పటివరకు స్టూడియోలకే పరిమితమైన సినిమాలను బయటకు తీసుకువచ్చి పల్లెటూరి పచ్చదనాన్ని, మట్టి వాసనను ప్రేక్షకులకు పరిచయం చేశారు భారతీ రాజా. దిగ్గజ స్టార్ హీరోలైన కమల్ హాసన్, రజనీకాంత్ కెరీర్‌ను మలుపు తిప్పడమే కాదు.. రాధిక, రేవతి వంటి హీరోయిన్లను సినీ లోకానికి పరిచయం చేసింది ఆయనే. దాదాపు 40 సినిమాలకు దర్శకత్వం వహించిన భారతీ రాజా, తమిళ సినీ పరిశ్రమలో ‘ఇయక్కునర్ ఇమయం’ అంటే దర్శకత్వ శిఖరం అనే ఘనమైన బిరుదును సంపాదించుకున్నారు. నటుడిగా కూడా సత్తా చాటిన భారతీరాజా.. మణిరత్నం చిత్రం ఆయుధ ఎళుతు, పాండియనాడు, ఈశ్వరన్, తిరుచిత్రంబలమ్, విజయ్ సేతుపతి మైల్‌స్టోన్ చిత్రం మహారాజా లాంటి సినిమాల్లో కీలక పాత్రలు పోషించి మెప్పించారు.

గతేడాది ఆయన కుమారుడు మనోజ్ ఆకస్మిక మరణం చెందారు. ఇప్పుడు భారతీరాజా కూడా తిరిగిరాని లోకాలకు వెళ్లడంతో సినీ ఇండస్ట్రీలో విషాద ఛాయలు అలుముకున్నాయి. భారతీ రాజా మరణ వార్త తెలిసి పలువురు సినీ ప్రముఖులు తీవ్ర సంతాపం వ్యక్తం చేస్తున్నారు.

ఈ సందేశం ఇప్పుడే వచ్చింది. మీరు News18 తెలుగు వెబ్‌సైట్ ద్వారా చాలా వేగంగా పొందవచ్చు మరియు చదవవచ్చు. మేము మరింత సమాచారం పొందినప్పుడు మేము ఈ పోస్ట్‌ను అప్‌డేట్ చేస్తాము. అన్ని వార్తలు మరియు అప్‌డేట్‌లను వెంటనే పొందడానికి మాతో కనెక్ట్ అయి ఉండండి. ముందుగా అన్ని వార్తలను పొందండి