తమిళనాడు అసెంబ్లీ సాక్షిగా సనాతన ధర్మంపై వివాదాస్పద వ్యాఖ్యలు చేసిన డీఎంకే నేత ఉదయనిధి స్టాలిన్పై బీజేపీ సీనియర్ నేత, టీటీడీ బోర్డు సభ్యుడు భానుప్రకాశ్ రెడ్డి నిప్పులు చెరిగారు. బుధవారం (మే 13, 2026) తిరుపతిలో మీడియాలో మాట్లాడిన ఆయన.. అసెంబ్లీలో ప్రతిపక్ష హోదాలో ఉండి కూడా ఉదయనిధి బాధ్యతారాహిత్యంగా మాట్లాడుతున్నారని మండిపడ్డారు. ఎన్నికల్లో ఓటమిని జీర్ణించుకోలేకే హిందూ ధర్మాన్ని కించపరుస్తున్నారని, సనాతన ధర్మాన్ని ఎవరూ అంతం చేయలేరని ఆయన స్పష్టం చేశారు. హిందువుల మనోభావాలను దెబ్బతీసిన ఉదయనిధి తక్షణమే క్షమాపణ చెప్పాలని భానుప్రకాశ్ డిమాండ్ చేశారు. కొత్తగా కొలువుదీరిన విజయ్ (TVK) ప్రభుత్వ తొలి సమావేశాల్లోనే ఈ ‘సనాతన’ వివాదం మళ్ళీ రాజుకోవడం గమనార్హం.



Source link