“బలోచిస్తాన్ వ్యాప్తంగా పాకిస్తాన్ రక్షణ దళాలు (Security Forces) ఇటీవలి కాలంలో జరిపిన గట్టి నిఘా, ఎదురుకాల్పుల చర్యల వల్ల బీఎల్ఏ (BLA) ఉగ్రవాదులు భారీగా నష్టపోయారు. సైన్యం చేతిలో వరుసగా దెబ్బతిని తీవ్ర నైరాశ్యంలో ఉన్న ఉగ్రవాదులు, తమ ఉనికిని చాటుకోవడానికి, ప్రతీకారం తీర్చుకోవడానికే అమాయక పౌరులను లక్ష్యంగా చేసుకుని ఈ దారుణానికి ఒడిగట్టారు” అని అధికారిక ప్రకటన పేర్కొంది.

బోగీలలో చిక్కుకున్న క్షతగాత్రులను వెలికితీసి క్వెట్టాలోని సీఎంహెచ్, ఇతర ప్రధాన ఆసుపత్రులకు తరలించారు. ఆసుపత్రులలో అత్యవసర పరిస్థితిని ప్రకటించి బాధితులకు చికిత్స అందిస్తున్నారు. తీవ్రంగా గాయపడిన వారిలో పలువురి పరిస్థితి విషమంగా ఉన్నట్లు సమాచారం. రైల్వే లైన్ పునరుద్ధరణ పనులను అధికారులు ముమ్మరం చేశారు.