పోలీసులు తెలిపిన వివరాల ప్రకారం.. గచ్చిబౌలి పరిధిలోని డ్రీమ్ ప్రైడ్ హోటల్ కేంద్రంగా ఈ వ్యభిచార దందా సాగుతోంది. ఆన్లైన్ ద్వారా కస్టమర్లను ఆకర్షించి విదేశీ యువతులతో ఈ వ్యాపారం నడిపిస్తున్నట్లు పోలీసులకు పక్కా సమాచారం అందింది. ఈ సమాచారాన్ని తీవ్రంగా పరిగణించిన గచ్చిబౌలి పోలీసులు, యాంటీ హ్యూమన్ ట్రాఫికింగ్ యూనిట్ అధికారులతో కలిసి పక్కా వ్యూహంతో హోటల్‌పై దాడులు నిర్వహించారు. పోలీసుల రాకను పసిగట్టేలోపే నిర్వాహకులు, కస్టమర్లు రెడ్ హ్యాండెడ్‌గా దొరికిపోయారు.

ఈ ముఠా వెనుక ఇంకా ఎవరి హస్తం ఉందనే కోణంలో గచ్చిబౌలి పోలీసులు లోతైన దర్యాప్తు ప్రారంభించారు. ఢిల్లీకి చెందిన నిఖిల్ ఉజ్బెకిస్థాన్ అమ్మాయిలను ఎలా తీసుకువచ్చాడు, ఆన్లైన్ ద్వారా నెట్‌వర్క్ ఎలా విస్తరించాడు అన్న కోణంలో ఆరా తీస్తున్నారు. పట్టుబడిన మొబైల్ ఫోన్ల కాల్ డేటా ఆధారంగా ఈ చీకటి వ్యాపారంతో సంబంధం ఉన్న ఇతర వ్యక్తులను పట్టుకునేందుకు వల పన్నారు. నిందితులపై కేసు నమోదు చేసిన పోలీసులు, వారిని రిమాండ్‌కు తరలించేందుకు సన్నాహాలు చేస్తున్నారు. ఐటీ ప్రాంతంలో ఇలాంటి ఘటన వెలుగుచూడటం స్థానికంగా తీవ్ర కలకలం రేపుతోంది.