బిజినెస్ ఒత్తిడి లేకుండా, సినిమా విడుదల తేదీ అధికారికంగా ఖరారైన తర్వాత థియేట్రికల్ రైట్స్ తమ వద్దే ఉంచుకుని, నిర్మాణ సంస్థ ‘కేవీఎన్ (KVN) ప్రొడక్షన్స్’ ద్వారానే ఈ చిత్రాన్ని సొంతంగా రిలీజ్ చేయాలని విజయ్ సూచించినట్లు కోలీవుడ్ టాక్. టాలెంటెడ్ డైరెక్టర్ హెచ్. వినోద్ దర్శకత్వంలో ఎంతో ప్రతిష్టాత్మకంగా రూపొందిన ఈ చిత్రం, నందమూరి బాలకృష్ణ నటించిన సూపర్ హిట్ తెలుగు సినిమా ‘భగవంత్ కేసరి’ కథ ఆధారంగా రీమేక్ అయినట్లు ప్రచారం జరుగుతోంది. ఇందులో విజయ్ సరసన పూజా హెగ్డే నటిస్తుండగా, మమితా బైజు కీలక పాత్ర పోషించారు. బాలీవుడ్ స్టార్ బాబీ డియోల్ ఈ చిత్రంలో పవర్‌ఫుల్ విలన్ రోల్‌లో కనిపించనున్నారు. విజయ్ పొలిటికల్ కెరీర్‌కు మైలేజ్ ఇచ్చేలా ఈ చిత్రంలో భారీ మార్పులు చేసినందు వల్లే రిలీజ్ ఆలస్యమవుతోందని, త్వరలోనే ఈ చిక్కులన్నీ వీడి కొత్త రిలీజ్ డేట్ అనౌన్స్ అవుతుందని అభిమానులు ఆశాభావం వ్యక్తం చేస్తున్నారు.