బెంగళూరుకు చెందిన 26 ఏళ్ల ఈ యువ అథ్లెట్ ప్రయాణం అనేక ఎదురుదెబ్బలతో నిండి ఉంది. తీవ్రమైన గాయాలు, రెండు శస్త్రచికిత్సలు, రోడ్డు ప్రమాదం, దానికితోడు కోవిడ్ సమయాన కన్నతల్లిని కోల్పోయిన తీరని శోకం ఆయనను ఎంతగానో కృంగదీశాయి. అయితే, తల్లి ఇచ్చిన “నీ కలలను వదులుకోవద్దు” అనే మాటలే స్పూర్తిగా అమెరికాలో స్కాలర్‌షిప్‌ సాధించి మరీ ట్రాక్‌పై తన సత్తా చాటారు.

లోకేష్ అంతర్జాతీయ స్థాయి పోటీల్లో విజయం సాధించడంలో రిలయన్స్ ఫౌండేషన్ (Reliance Foundation) నిర్వహించిన ‘అథ్లెట్ సపోర్ట్ ఎకోసిస్టమ్’ అత్యంత ప్రాధాన్యత వహించింది. అమెరికాలో శిక్షణ పొందుతూనే, భారతదేశంలో ఆయన పోటీల క్యాలెండర్‌ను (Competition Calendar) వ్యూహాత్మకంగా ప్లాన్ చేయడంలో రిలయన్స్ ఫౌండేషన్ మార్గదర్శనం అందించింది. ఆయనకు అవసరమైన ఫిట్‌నెస్ వసతులు, టెక్నికల్ సపోర్ట్‌ను అందిస్తూ లోకేష్ కెరీర్ పురోగతిలో నిలకడ సాధించేందుకు పూర్తి మద్దతుగా నిలిచింది. ఇప్పుడు కామన్వెల్త్ గేమ్స్‌లో మురళీ శ్రీశంకర్‌తో కలిసి భారత లాంగ్ జంప్ విభాగంలో లోకేష్ పోటీ పడుతుండటంతో, భారత్‌కు మరో పతకం ఖాయమని క్రీడాభిమానులు ఆశాభావం వ్యక్తం చేస్తున్నారు.