గబ్బిలాల్లో ఉండే కరోనా వైరస్‌లపై అత్యంత ప్రమాదకరమైన ‘గెయిన్-ఆఫ్-ఫంక్షన్’ (వైరస్ తీవ్రతను, వ్యాప్తిని పెంచే) పరిశోధనల కోసం ఫాచీ.. అమెరికా పన్ను చెల్లింపుదారుల సొమ్మును (కోట్లాది రూపాయలను) వుహాన్ ఇన్‌స్టిట్యూట్ ఆఫ్ వైరాలజీకి మళ్లించినట్లు పత్రాలు స్పష్టం చేస్తున్నాయి.

కేవలం చైనా మాత్రమే కాకుండా, ప్రపంచవ్యాప్తంగా దాదాపు 30కి పైగా దేశాల్లో ఉన్న 120కి పైగా జీవ ప్రయోగశాలలకు (Bio-labs) అమెరికా ప్రభుత్వం దీర్ఘకాలంగా భారీగా నిధులు సమకూరుస్తోందని దర్యాప్తులో తేలింది.

మహమ్మారి విజృంభిస్తున్న తరుణంలో చైనా నిఘా అధికారులతో ఫాచీ జరిపిన సంభాషణల వివరాలు, ల్యాబ్ లీక్ డేటాను దాచిపెట్టి.. ఈ వైరస్ కేవలం జంతువుల నుండే సహజసిద్ధంగా మానవులకు వ్యాపించిందనే వాదనను బలంగా ప్రచారం చేయించారని గబార్డ్ పేర్కొన్నారు. ఇందుకోసం అమెరికాకు చెందిన కొన్ని కీలక నిఘా విభాగాలలోని అధికారులను కూడా వాడుకున్నట్లు సమాచారం. ప్రపంచాన్ని అతలాకుతలం చేసిన మహమ్మారి వెనుక ఉన్న ఈ ‘బయో-ల్యాబ్’ నిధుల వ్యవహారం ఇప్పుడు అంతర్జాతీయ వేదికలపై సరికొత్త చర్చకు, రాజకీయ దుమారానికి దారితీస్తోంది.