భారత్‌కు స్వాతంత్ర్యం 1947లో వచ్చింది. కానీ అంతకంటే చాలా ముందే భారత క్రికెట్ జట్టు అంతర్జాతీయ వేదికపై అడుగుపెట్టింది. 1932లో భారత జట్టు తొలి టెస్టు ఆడగా.. అంతకంటే నాలుగు దశాబ్దాల ముందే ఓ భారతీయుడు ఇంగ్లాండ్ జట్టులో చోటు సంపాదించి క్రికెట్ ప్రపంచాన్ని ఆశ్చర్యపరిచాడు. భారత క్రికెట్ చరిత్రలో చిరస్థాయిగా నిలిచిపోయిన ఆ పేరు మహారాజా కుమార్ రంజిత్‌సింగ్. ఆయన పేరుతోనే నేడు దేశంలో ప్రతిష్ఠాత్మక దేశవాళీ టోర్నమెంట్ రంజీ ట్రోఫీ జరుగుతోంది.