22 ఏళ్ల బీటెక్ విద్యార్థి అరవింద్ (దొర సాయి తేజ)కి చదువు కంటే డబ్బు, పవర్ మీదే ఎక్కువ మోజు. తన తెలివిని మంచి దారిలో కాకుండా హైదరాబాద్ సైబర్ క్రైమ్ ప్రపంచంలో పెట్టుబడిగా పెడతాడు. చిన్న ఫిషింగ్ స్కామ్లతో మొదలైన ప్రయాణం… అక్రమ కాల్ సెంటర్లు, ఎక్స్టార్షన్, గ్యాంగ్ వార్స్ వరకు చేరుతుంది. విజయమే లక్ష్యంగా పెట్టుకున్న అరవింద్ చివరకు తన సామ్రాజ్యాన్ని నిర్మించగలిగాడా? లేక అదే అతని పతనానికి కారణమైందా? అన్నదే కథ.
ఈ సిరీస్కు అతిపెద్ద బలం దొర సాయి తేజ. యూట్యూబ్ స్టార్ అనే ట్యాగ్ను ఒక్కసారిగా పక్కన పెట్టి, నటుడిగా తనలోని మరో కోణాన్ని బయటపెట్టాడు. అరవింద్ పాత్రలో అతని బాడీ లాంగ్వేజ్, డైలాగ్ డెలివరీ, కళ్లలో కనిపించే ఆకలి… ఇవన్నీ కలిసి ఒక పక్కా యాంటీ హీరోని సృష్టించాయి. గెలుపు కోసం ఎలాంటి హద్దులైనా దాటే పాత్రలో అతను జీవించేశాడు. కొన్ని చోట్ల ‘బిజినెస్మేన్’ సినిమాలో మహేష్ బాబు సూర్య పాత్రలోని దూకుడు గుర్తుకు వచ్చినా, సాయి తేజ తనదైన స్క్రీన్ ప్రెజెన్స్తో ప్రత్యేక గుర్తింపు తెచ్చుకున్నాడు.
దర్శకుడు ఆదిత్య దేవులపల్లి తొలి ప్రయత్నంలోనే తన విజన్ ఏంటో బలంగా చూపించాడు. వెర్టికల్ ఫార్మాట్ను ఒక పరిమితిగా కాకుండా కొత్త కథన విధానంగా ఉపయోగించుకున్న తీరు ప్రశంసనీయం. ప్రతి రెండున్నర నిమిషాల ఎపిసోడ్ను ఒక హుక్తో ముగించడం వల్ల ప్రేక్షకుడు తర్వాతి ఎపిసోడ్ను వెంటనే ప్లే చేయకుండా ఉండలేడు. దర్శకుడిలోని కాన్ఫిడెన్స్ ప్రతి ఫ్రేమ్లో కనిపిస్తుంది.
కథను విజయ్ కుమార్తో కలిసి ఆదిత్య తీర్చిదిద్దిన విధానం ఆకట్టుకుంటుంది. ఫోర్త్ వాల్ నేరేషన్, క్రిమినల్ మైండ్ గేమ్స్, పూరి జగన్నాథ్ శైలిని గుర్తు చేసే కొన్ని పంచ్ డైలాగ్స్ సిరీస్కు మరింత ఎనర్జీని తీసుకొచ్చాయి. ముఖ్యంగా “బచ్చా జబ్ షైతాన్ బంతా హై…” అంటూ వచ్చే డైలాగ్ థియేటర్ ఫీల్ను కలిగిస్తుంది.
టెక్నికల్గా అశ్విన్ లెనిన్ సినిమాటోగ్రఫీ సిరీస్కు సినిమాటిక్ లుక్ తీసుకొచ్చింది. హైదరాబాద్ అండర్బెల్లీని డార్క్ టోన్స్లో చూపించిన తీరు బాగుంది. రిషి ఎమ్ అందించిన బ్యాక్గ్రౌండ్ స్కోర్ ఈ సిరీస్కు ప్రాణం. ముఖ్యంగా మెక్సికన్, టర్కిష్ మ్యూజికల్ టెక్స్చర్స్తో రూపొందించిన సౌండ్ డిజైన్ ప్రతి సన్నివేశాన్ని మరో స్థాయికి తీసుకెళ్లింది. జగదీష్ గౌడ్ ఎడిటింగ్ షార్ప్గా ఉండటంతో ఎక్కడా బోర్ అనిపించదు.
దొర సాయి తేజ కెరీర్ బెస్ట్ పెర్ఫార్మెన్స్
ఆదిత్య దేవులపల్లి స్టైలిష్ డైరెక్షన్
గ్రిప్పింగ్ సైబర్ క్రైమ్ డ్రామా
రిషి ఎమ్ అద్భుతమైన బ్యాక్గ్రౌండ్ స్కోర్
వెర్టికల్ ఫార్మాట్లో సినిమాటిక్ ఎక్స్పీరియన్స్
64 నిమిషాల నిడివి చాలా తక్కువగా అనిపిస్తుంది..
కొన్ని కీలక పాత్రల ఆర్క్ను రెండో సీజన్ కోసం దాచేశారు..
‘ధంధా’ కేవలం ఒక వెబ్ సిరీస్ కాదు… తెలుగు డిజిటల్ కంటెంట్ ఎలా ఉండబోతోందో చూపించే కొత్త దారి. వెర్టికల్ ఫార్మాట్లో కూడా ఇంటెన్స్ క్రైమ్ డ్రామా చెప్పొచ్చని నిరూపించిన ప్రయత్నం. దొర సాయి తేజ నటుడిగా మరో మెట్టు ఎక్కాడు. దర్శకుడు ఆదిత్య దేవులపల్లి బలమైన అరంగేట్రం చేశాడు. సైబర్ క్రైమ్, మైండ్ గేమ్స్, రా యాక్షన్ ఇష్టపడేవారికి ఇది పక్కా బింజ్ వాచ్.
చివరి మాట: ‘ధంధా’ షార్ట్ కంటెంట్ కాదు… షార్ప్ కంటెంట్. ఒకసారి ప్లే చేస్తే చివరి ఎపిసోడ్ వరకు ఆగడం కష్టం.
రేటింగ్: 2.75/5
