కథా నేపథ్యం చూస్తే.. సాధారణ కుటుంబానికి చెందిన జార్జ్ కుట్టి (మోహన్ లాల్), అతని భార్య రాణి (మీనా), కూతుళ్లు అంజు (అన్సిబా హాసన్), అను (ఎస్తేర్ అనిల్) చుట్టూనే ఈ మూడో భాగం కూడా తిరగనుంది. గతంలో జరిగిన ఒక అనుకోని హత్య కేసు నుండి చట్టంలోని లోసుగులను వాడుకుంటూ జార్జ్ కుట్టి తన కుటుంబాన్ని ఎలా కాపాడుకున్నాడు, ఈసారి పోలీసుల ఇన్వెస్టిగేషన్ నుండి ఎలా తప్పించుకున్నాడు అనే సస్పెన్స్ క్రైమ్ డ్రామాతో ‘దృశ్యం 3’ తెరకెక్కింది. ఈ చిత్రంలో అల్పా మైనర్ పాత్రల్లో ఆషా శరత్, సిద్దిఖీ, మురళీ గోపి తదితరులు కీలక పాత్రలు పోషించారు. ఆశీర్వాద్ సినిమాస్ బ్యానర్‌పై ఆంటోని పెరంబవూర్ ఈ భారీ ప్రాజెక్ట్‌ను నిర్మించగా, అనిల్ జాన్సన్ సంగీతం, సతీష్ కురుప్ సినిమాటోగ్రఫీ అందించారు.

2013లో విడుదలైన ‘దృశ్యం’ మొదటి భాగం భారతీయ చిత్రసీమలో ఒక సంచలనం. కేవలం మలయాళంలోనే కాకుండా తెలుగు (వెంకటేష్ హీరోగా), తమిళం (కమల్ హాసన్), హిందీ (అజయ్ దేవగన్), కన్నడతో పాటు చైనీస్ భాషలోకి కూడా రీమేక్ చేయబడి ఘనవిజయం సాధించింది. ఆ తర్వాత 2021లో వచ్చిన ‘దృశ్యం 2’ విడుదలై రికార్డులు సృష్టించింది. ఇప్పుడు థియేటర్లలోకి రాబోతున్న ‘దృశ్యం 3’పై దేశవ్యాప్తంగా భారీ అంచనాలు ఉన్నాయి. సెన్సార్ బోర్డ్ సభ్యుల నుండి సినిమాకు పాజిటివ్ ఫీడ్‌బ్యాక్ రావడంతో, జార్జ్ కుట్టి మరోసారి బాక్సాఫీస్ వద్ద మేజిక్ చేయడం ఖాయంగా కనిపిస్తోంది. అయితే ఈ సినిమాను నేరుగా తెలుగులో రిలీజ్ చేయకుండా డబ్బింగ్ వర్షన్ తో విడుదల చేస్తున్నారు.