పోలీస్ కానిస్టేబుల్ వేషధారణలో తిరుగుతూ ప్రజలను బురిడీ కొట్టిస్తున్న ఒక వ్యక్తిని హైదరాబాద్ పోలీసులు కటకటాల్లోకి నెట్టారు. ఏసీపీ సంజయ్ కుమార్ తెలిపిన వివరాల ప్రకారం.. నిందితుడు పోలీస్ యూనిఫాం ధరించి సోషల్ మీడియాలో రీల్స్ చేస్తూ అందరినీ నమ్మించేవాడు. ఆ గుర్తింపుతో బయట అమాయక ప్రజలను బెదిరిస్తూ, వివిధ కారణాలతో వారి దగ్గర నుంచి డబ్బులు వసూలు చేసేవాడు. బాధితుల ఫిర్యాదుతో రంగంలోకి దిగిన పోలీసులు, నిందితుడిని అదుపులోకి తీసుకుని అతని వద్ద ఉన్న నకిలీ ఐడీ కార్డులు, యూనిఫాంను స్వాధీనం చేసుకున్నారు. కేవలం లైక్స్ కోసం, అక్రమ సంపాదన కోసం ఇలాంటి చర్యలకు పాల్పడటం నేరమని, ఇలాంటి నకిలీ వ్యక్తుల పట్ల ప్రజలు అప్రమత్తంగా ఉండాలని ఏసీపీ సూచించారు.



Source link