తరుణ్ భాస్కర్, J. D. చక్రవర్తి కీలక పాత్రల్లో నటించిన ఈ సినిమా మే 1న థియేటర్లలో విడుదలైంది. బాక్సాఫీస్ వద్ద మిక్స్‌డ్ టాక్ తెచ్చుకున్న ఈ మూవీ తాజాగా ఎలాంటి ముందస్తు ప్రకటన లేకుండానే ఓటీటీలో స్ట్రీమింగ్‌కు వచ్చేసింది. ప్రస్తుతం ఈ చిత్రం అమెజాన్ ప్రైమ్ వీడియో వేదికగా అందుబాటులో ఉంది. తెలుగు మాత్రమే కాకుండా హిందీ, తమిళం, కన్నడ, మలయాళ భాషల్లో కూడా ఈ సినిమాను ప్రేక్షకులు వీక్షించవచ్చు.

ఈ చిత్రానికి థియేటర్లలో యూత్ ఆడియెన్స్ నుంచి మంచి స్పందన లభించింది. ముఖ్యంగా కామెడీ, పొలిటికల్ సెటైర్, ఎమోషనల్ డ్రామాను మిక్స్ చేసిన తీరు ప్రేక్షకులను ఆకట్టుకుంది. సోషల్ మీడియాలో కూడా ఈ మూవీకి సంబంధించిన కొన్ని డైలాగ్స్, సన్నివేశాలు వైరల్ అయ్యాయి.

అక్కడి నుంచి కథ ఆసక్తికర మలుపు తిరుగుతుంది. తన జీవితాన్ని మార్చేసిన ట్రంప్‌పై పగ తీర్చుకోవాలని దరహాస్ నిర్ణయించుకుంటాడు. ఈ క్రమంలో అతడి జీవితంలోకి బ్రూటల్ ధర్మ (జేడీ చక్రవర్తి) అనే మాఫియా డాన్ ఎంటర్ అవుతాడు. ఇక భైరవ దాస్ పాత్రలో శ్రీ విష్ణు, శాలినిగా ఫరియా అబ్దుల్లా కనిపిస్తారు. వీరి పాత్రలు కథలో కీలక మలుపులకు కారణమవుతాయి. హాస్యం, యాక్షన్, భావోద్వేగాల మేళవింపుతో తెరకెక్కిన ఈ చిత్రం ఇప్పుడు ఓటీటీలో కూడా ప్రేక్షకులను అలరించే అవకాశముంది.