చిలకలగూడ ఏసీపీ శ్యాంప్రసాద్ రెడ్డి, ఇన్‌స్పెక్టర్ జరీశెట్టి రామకృష్ణ తెలిపిన వివరాల ప్రకారం.. కర్ణాటక రాష్ట్రం హుబ్లీకి చెందిన ఇల్లా నెహెమ్యా అలియాస్ బ్రూస్‌లీ (30) సికింద్రాబాద్ రైల్వేస్టేషన్ పరిసరాల్లో కాలిబాటపై నివసిస్తున్నాడు. జూదాలకు అలవాటుపడిన ఇతను డబ్బుల కోసం దొంగతనాలు చేస్తుంటాడు. గతంలో ఓ కేసులో జైలుకు వెళ్లిన బ్రూస్‌లీ, జూన్ 18న జైలు నుంచి విడుదలయ్యాడు.

నిందితుడు బ్రూస్‌లీకి సంబంధించిన ఆసక్తికరమైన విషయాలు విచారణలో వెలుగుచూశాయి. 15 ఏళ్ల వయసులోనే ఇల్లు వదిలి పారిపోయి నగరానికి వచ్చిన ఇతను, 20 ఏళ్ల వయసు నుండి చోరీలకు అలవాటుపడ్డాడు. జైల్లో ఉన్నప్పుడు తోటి ఖైదీలు “నువ్వు బ్రూస్‌లీలా ఉన్నావు” అని పొగడటంతో తన పేరును బ్రూస్‌లీగా మార్చుకున్నాడు. అంతేకాదు, జైలుకు వెళ్లిన ప్రతిసారీ అక్కడ పరిచయమైన పాత నేరస్థులకు సులభంగా డబ్బు సంపాదించవచ్చని ఆశ చూపి తన గ్యాంగ్‌లోకి రిక్రూట్ చేసుకోవడం ఇతనికి అలవాటు.

నిందితుల నుంచి మీర్‌పేట చోరీకి సంబంధించిన రూ. 2.25 లక్షల నగదును స్వాధీనం చేసుకున్నట్లు పోలీసులు తెలిపారు. అరెస్ట్ అయిన వారిలో ఉన్న మైనర్ బాలుడిని జువైనల్ హోంకు తరలించారు.