చంపాపేట పరిధిలో ఉన్న ఐరా జూనియర్ కళాశాలకు (Aira Junior College) చెందిన విద్యార్థులు రెండు వర్గాలుగా విడిపోయి పరస్పరం భౌతిక దాడులకు దిగడంతో ఆ ప్రాంతంలో ఒక్కసారిగా తీవ్ర భయాందోళనలు, ఉద్రిక్త పరిస్థితులు నెలకొన్నాయి. సౌమిత్ యక్కటి తన ఎక్స్ ఖాతాలో గొడవకు సంబంధించిన వీడియోను పోస్ట్ చేశారు. కళాశాల సమీపంలో రోడ్డుపైనే విద్యార్థులు గుంపులుగా చేరి ఒకరిపై ఒకరు దాడులు చేసుకుంటుండటంతో తీవ్ర కలకలం రేగింది. ఈ దాడులను చూసిన స్థానిక ప్రజలు, వ్యాపారులు వెంటనే అప్రమత్తమై అత్యవసర సహాయం కోసం ‘డయల్ 100’ ద్వారా పోలీసులకు సమాచారం అందించారు. స్థానికుల పిలుపుకు వెంటనే స్పందించిన పెట్రోలింగ్ పోలీసు వాహనం శీఘ్రంగా సంఘటనా స్థలానికి చేరుకుంది. పోలీసులు అక్కడికి చేరుకోవడంతో గొడవ పడుతున్న విద్యార్థులు చెల్లాచెదురయ్యారు.