IND vs IRE 2nd T20: భారత క్రికెట్ అభిమానులకు ఆదివారం చేదు రోజుగా మిగలనుంది. మహిళల టి20 ప్రపంచకప్ 2026 (Women’s T20 World Cup 2026) నుంచి భారత జట్టు నిష్క్రమించగా.. ఐర్లాండ్ చేతిలో భారత పురుషుల జట్టు వరుసగా రెండో ఓటమిని చవి చూసింది. 155 పరుగుల తేడాతో బ్యాటింగ్‌కు దిగిన భారత జట్టు చివరి బంతి వరకు పోరాడింది. అయితే టాపార్డర్ అట్టర్ ఫ్లాప్ కావడంతో సులభంగా గెలిచే మ్యాచ్‌ను చేజార్చుకుంది. తిలక్ వర్మ (46 బంతుల్లో 55; 3 ఫోర్లు, 1 సిక్సర్) ఒంటరి పోరాటం చేశాడు. అయితే చివర్లో అవుటవ్వడం.. అప్పటికే బ్యాటర్లందరూ పెవిలియన్ చేరడంతో ఆఖరి బంతికి ఓడింది. కేవలం పరుగు తేడాతో ఓడి సిరీస్‌ను కోల్పోయింది. హర్షిత్ రాణా (10 బంతుల్లో 21; 2 ఫోర్లు, 1 సిక్సర్) ఆడినట్లు కూడా టాపార్డర్ బ్యాటర్లు ఆడలేకపోయారు. ఐర్లాండ్ బౌలర్లలో జై ముంద్రా, మ్యాట్ హాలండ్ చెరో 3 వికెట్లు సాధంచారు.