ఆసియా గేమ్స్‌లో భారత జట్టు గోల్డ్ మెడల్ మ్యాచ్‌కు అర్హత సాధించింది. ఆదివారం జరిగిన సెమీఫైనల్లో భారత్ 114 పరుగుల తేడాతో బంగ్లాదేశ్ మహిళల జట్టుపై ఘనవిజయం సాధించింది. తొలుత బ్యాటింగ్ చేసిన భారత్ 20 ఓవర్లలో 4 వికెట్లకు 195 పరుగులు చేసింది. షఫాలీ వర్మ (49 బంతుల్లో 100 నాటౌట్; 3 ఫోర్లు, 9 సిక్సర్లు) సెంచరీతో కదం తొక్కింది. స్మృతి మంధాన (25 బంతుల్లో 37; 5 ఫోర్లు, 2 సిక్సర్లు), హర్మన్ ప్రీత్ కౌర్ (33 బంతుల్లో 40; 6 ఫోర్లు) రాణించారు. అనంతరం భారీ లక్ష్యంతో బ్యాటింగ్‌కు దిగిన బంగ్లాదేశ్ 15.4 ఓవర్లలో 81 పరుగులకు ఆలౌటైంది. భారత బౌలర్లలో నందని శర్మ, దీప్తి శర్మలు చెరో 3 వికెట్లతో రాణించారు. ఫైనల్లో భారత జట్టు శ్రీలంకతో తలపడనుంది. రెండో సెమీఫైనల్లో పాకిస్తాన్‌పై శ్రీలంక నెగ్గి ఫైనల్ చేరింది.