ప్రస్తుతం జరుగుతున్న ఐపీఎల్ 2026 సీజన్‌లో ముంబై ఇండియన్స్ టీమ్ అన్ని రకాలుగా ఫెయిలైంది. దాంతో కెప్టెన్ అయిన హార్దిక్ పాండ్యాపై తీవ్ర విమర్శలు వస్తున్నాయి. ఇదివరకు ఈ టీమ్ ఎంతో బాగా ఆడేది.. అలాంటిది ఇలా పూర్ పెర్ఫార్మె్న్స్ చెయ్యడంపై ఫ్యాన్స్ తీవ్ర అసంతృప్తి వ్యక్తం చేస్తున్నారు. ఈ పరిస్థితుల్లో హార్ధిక్ పాండ్యా.. టీమ్‌ని వీడబోతున్నట్లు తెలుస్తోంది.

ఒకప్పుడు ముంబై ఇండియన్స్ అంటే.. కచ్చితంగా కప్పు తెచ్చే టీమ్ అనే కాన్ఫిడెన్స్ ఉండేది. కానీ ఇటీవలి సంవత్సరాల్లో ఈ టీమ్ ఆ జోరు చూపించట్లేదు. ఇక తాజా సీజన్‌లో మిగతా జట్లు దుమ్మురేపగా.. ముంబై ఇండియన్స్ బాబోయ్ అనిపించేలా పేలవమైన ఆటతీరును చూపించింది. అందుకే.. ఫ్యాన్సే.. హార్ధిక్ పాండ్యాను టార్గెట్ చేసి.. వెళ్లిపో అని కోరే పరిస్థితి వచ్చేసింది.

హార్ధిక్ పాండ్యా తన ఫామ్‌ను కోల్పోయిన విషయం కూడా ఆందోళన కలిగిస్తోంది. గతంలో ఆల్ రౌండర్‌గా రాణించిన అతడు ప్రస్తుతం బ్యాట్‌తోనూ, బాల్‌తోనూ ఆకట్టుకోలేకపోతున్నాడు. ఇలాంటి పరిస్థితుల్లో అతడు ముంబైని వీడి మరో ఫ్రాంచైజీకి మారాలని నిర్ణయించుకున్నట్లు తెలుస్తోంది. లఖ్నౌ సూపర్ జెయింట్స్ లేదా రాజస్థాన్ రాయల్స్ వంటి జట్లు హార్ధిక్ కోసం ఆసక్తి చూపిస్తున్నట్లు ప్రచారం జరుగుతోంది.

ఈ సందేశం ఇప్పుడే వచ్చింది. మీరు News18 తెలుగు వెబ్‌సైట్ ద్వారా చాలా వేగంగా పొందవచ్చు మరియు చదవవచ్చు. మేము మరింత సమాచారం పొందినప్పుడు మేము ఈ పోస్ట్‌ను అప్‌డేట్ చేస్తాము. అన్ని వార్తలు మరియు అప్‌డేట్‌లను వెంటనే పొందడానికి మాతో కనెక్ట్ అయి ఉండండి. ముందుగా అన్ని వార్తలను పొందండి