ఫీల్డర్ విసిరిన బంతిని అందుకున్న ఇషాన్ కిషన్‌కు తన కెరీర్‌లోనే అత్యంత సులువైన రన్ అవుట్ చేసే అవకాశం లభించింది. కానీ కిషన్ ఆ కందరగోళాన్ని సమయానికి గుర్తించలేకపోయాడు. బాల్ చేతిలో ఉండి కూడా వికెట్లను పడగొట్టకుండా లేదా బౌలర్ బిష్ణోయ్‌కు విసరకుండా, పిచ్ మధ్యలోకి అండర్ ఆర్మ్ త్రో విసిరాడు. తీరా ఇద్దరు బ్యాటర్లు ఒకే వైపు ఉన్నారని గ్రహించేసరికి జరగాల్సిన నష్టం జరిగిపోయింది. బ్యాటర్ సురక్షితంగా క్రీజులోకి చేరుకున్నాడు. ఈ మిస్‌తో షాక్ తిన్న ఇషాన్ కిషన్ తన తలపై చేయి వేసుకుని తీవ్ర నిరాశ వ్యక్తం చేశాడు.

భారత్ నిర్దేశించిన 220 పరుగుల భారీ లక్ష్యంతో బరిలోకి దిగిన జింబాబ్వేను భారత బౌలర్లు ఆరంభం నుంచే దెబ్బతీశారు. మొదటి తొమ్మిది ఓవర్లలోనే 5 వికెట్లు కోల్పోయిన జింబాబ్వే రేసు నుంచి తప్పుకుంది. భారత్ నిర్ణీత 20 ఓవర్లలో 5 వికెట్లకు 219 పరుగులు చేయగా, జింబాబ్వే కేవలం 129 పరుగులకే ఆలౌట్ అయింది.