Congress Politics: కొండా సురేఖపై చర్యలు తీసుకునేది ఎప్పుడు..? మంత్రి పదవి నుంచి తప్పిస్తారా లేదా..? రేవంత్‌రెడ్డిపై ఆరోపణలు, విమర్శలు చేస్తే వదిలేస్తే సీఎం స్థాయి వ్యక్తికి గౌరవం ఏముంటుంది..? ఇది తెలంగాణ క్యాబినెట్‌లోని రేవంత్ వర్గం, తెలంగాణ కాంగ్రెస్ కమిటీతో పాటు రేవంత్ రెడ్డి స్వయంగా హైకమాండ్‌కి సిఫార్సు చేసినట్లుగా తెలుస్తోంది.అయితే కొండా సురేఖను కుర్చి దింపడానికి వచ్చే నెల 2 ముహుర్తం కుదిరేలా ఉందనే టాక్ కూడా వినిపిస్తోంది. ఎందుకంటే విదేశాల్లో ఉన్న సీకే వేణుగోపాల్ ఈరోజు ఢిల్లీకి వస్తారు. రాగానే రేపు రేవంత్ రెడ్డి ఆయన్ని కలిసి కొండా సురేఖపై వేటు.. క్యాబినెట్ విస్తరణ అంశంపై చర్చించనున్నట్లుగా తెలుస్తోంది. ఇక కొండాను మంత్రి పదవి నుంచి తొలగిస్తే ఆ స్థానంలో ఓ మహిళతో పాటు మరో ఇద్దరు కూడా మంత్రి పదవులు పొందే రేసులో ఉన్నట్లుగా ప్రచారం జరుగుతోంది.