టాస్ ఓడి మొదట బ్యాటింగ్‌కు దిగిన లక్నో.. నిర్ణీత 20 ఓవర్లలో 6 వికెట్లు కోల్పోయి 196 పరుగులు సాధించింది. జోష్ ఇంగ్లిస్ అద్భుతంగా బ్యాటింగ్ చేశారు. కేవలం 44 బంతుల్లో 72 (9 ఫోర్లు, 2 సిక్సులు) పరుగులు సాధించి మంచి ఆరంభాన్ని అందించారు. ఇంగ్లిస్‌కి తోడు ఆయూష్ బదోని 43 (5 ఫోర్లు, 3 సిక్సులు) సైతం వేగంగా పరుగులు చేశాడు. వీరిద్దరు కలిసి పంజాబ్ బౌలర్లకు చుక్కలు చూపించారు. అనంతరం క్రీజులోకి వచ్చిన రిషబ్ పంత్ (26), ముకుల్ ఛౌదరి (1) పెద్దగా ఆకట్టుకోలేకపోయినా.. చివర్లో వచ్చిన అబ్దుల్ సమద్ 37 (3 ఫోర్లు, 3 సిక్సులు) మెరుపు ఇన్నింగ్స్ ఆడాడు. దీంతో లక్నో 196 పరుగులు సాధించగలిగింది. ఇక పంజాబ్ బౌలర్లలో చాహల్, మార్కో జాన్‌సెన్ చోరో 2 వికెట్లు పడగొట్టగా.. శశాంక్ సింగ్, ఒమర్‌జై ఒక వికెట్ తీసుకున్నారు.