“జనరల్ ఉపేంద్ర ద్వివేది స్థానంలో తర్వాతి సైన్యాధిపతిగా 30 జూన్, 2026 నుంటి బాధ్యతలు చేపడతారు. 31 ఆగస్టు, 2028 వరకు పదవిలో ఉంటాయి. ఈ నియామకానికి రాష్ట్రపతి ఆమోదం తెలిపినట్లు ఆదేశాలు అందాయి” అని రక్షణ మంత్రిత్వ శాఖ నుంచి వచ్చిన ఒక లేఖలో తెలిపారని న్యూస్18 ఇంగ్లీష్ రిపోర్ట్ చేసింది.

1986లో ఆర్మర్డ్ కార్ప్స్ అధికారిగా నియమితులైన లెఫ్టినెంట్ జనరల్ సేథ్, ఖడక్‌వాస్లాలోని నేషనల్ డిఫెన్స్ అకాడమీ పూర్వ విద్యార్థి. ఆయన దాదాపు నాలుగు దశాబ్దాల సైనిక అనుభవాన్ని కలిగి.. ఈ ఉన్నత పదవికి వస్తున్నారు. తన కెరీర్‌లో, ఆయన భారత సైన్యంలో ఆపరేషనల్, కమాండ్, స్టాఫ్ వంటి అనేక రకాల పోస్టులను నిర్వహించారు.

ఆయన వృత్తిపరమైన సైనిక విద్యలో భాగంగా, పారిస్‌లోని డిఫెన్స్ సర్వీసెస్ కమాండ్ అండ్ జనరల్ స్టాఫ్ కోర్సు, న్యూఢిల్లీలోని నేషనల్ డిఫెన్స్ కాలేజ్‌ సహా భారతదేశం, ఫ్రాన్స్, అమెరికాలోని సంస్థలలో కోర్సులను అభ్యసించారు.

లెఫ్టినెంట్ జనరల్ సేథ్.. ఒక ఆర్మర్డ్ రెజిమెంట్, ఒక ఆర్మర్డ్ బ్రిగేడ్, జమ్మూకాశ్మీర్‌లోని కౌంటర్ ఇన్సర్జెన్సీ ఫోర్స్, సుదర్శన్ చక్ర కార్ప్స్‌ సహా చాలా స్థాయిలలో దళాలకు నాయకత్వం వహించారు. ఆ తర్వాత ఆయన ఢిల్లీ ఏరియా జనరల్ ఆఫీసర్ కమాండింగ్‌గా పనిచేస్తూ, అనేక ఉన్నత స్థాయి జాతీయ, అంతర్జాతీయ కార్యక్రమాలను పర్యవేక్షించారు.

ఈ ఏడాది ఏప్రిల్ 1న ఆర్మీ వైస్ చీఫ్‌గా నియమితులు కాకముందు, ఆయన పుణే కేంద్రంగా పనిచేసే సదరన్ కమాండ్‌కు అధిపతిగా ఉన్నారు. అక్కడ తన పదవీకాలంలో, ఆయన ఆపరేషన్ సింధూర్ సమయంలో కమాండ్‌కు నాయకత్వం వహించడంతో పాటు, పశ్చిమ సరిహద్దు వెంట జరిగిన ప్రధాన త్రివిధ దళాల విన్యాసాల్ని పర్యవేక్షించారు.