కూలిపోయిన ఈ భవనంలో ప్రతి అంతస్తులో 12 గదుల చొప్పున మొత్తం 48 గదులు ఉన్నాయి. భవనం చాలా పాతది కావడంతో ప్రమాదకరమైనదిగా స్థానిక మున్సిపల్ అధికారులు ఇదివరకే ప్రకటించారు. ప్రజలు ఖాళీ చేయాలని నోటీసులు కూడా జారీ చేశారు. అయితే, ప్రమాదం జరిగిన సమయంలో లోపల కొంత మరమ్మత్తు పనులు జరుగుతున్నట్లు సమాచారం.

శిథిలాల కింద ఉన్నవారిని రక్షించేందుకు అన్ని రకాల ప్రయత్నాలు చేస్తున్నట్లు మున్సిపల్ అధికారులు తెలిపారు. నగరంలో ఇలాంటి శిథిలావస్థకు చేరిన భవనాలు చాలా ఉన్నాయని, ప్రమాదకరమైన ఇళ్లలో నివసిస్తున్న ప్రజలు వెంటనే వాటిని ఖాళీ చేయాలని భివాండి మేయర్ నారాయణ్ చౌదరి విజ్ఞప్తి చేశారు. ఘటనా స్థలంలో సహాయక చర్యలు ఇంకా కొనసాగుతూనే ఉన్నాయి.