ఇటీవల ‘వారణాసి’ మూవీ అవుట్‌డోర్ షెడ్యూల్ చిత్రీకరణ జరుగుతుండగా, సెట్స్ లోని కొందరు రహస్యంగా తీసిన షార్ట్ వీడియో క్లిప్స్ ఇంటర్నెట్‌లో లీక్ అయ్యాయి. ఈ వీడియోల్లో మహేష్ బాబును మునుపెన్నడూ చూడని ‘బ్లడ్ బాత్’ మాస్ అవతారంలో చూసిన ఫ్యాన్స్ పండగ చేసుకుంటున్నారు. ఒళ్లంతా నెత్తుటి మరకలతో ఉన్న మహేష్ బాబు, తీక్షణమైన చూపులతో నీళ్లలోకి దిగుతున్న యాక్షన్ సీన్స్ చూసి అభిమానులకు గూస్ బంప్స్ వస్తున్నాయి. ఈ విజువల్స్ నిమిషాల్లోనే ఎక్స్ (ట్విట్టర్), ఇన్‌స్టాగ్రామ్ లలో వైరల్ గా మారాయి.

ఈ ప్రతిష్టాత్మక చిత్రంలో మహేష్ బాబు తొలిసారిగా డ్యూయల్ రోల్‌ చేస్తున్నట్లు సమాచారం. గ్లోబల్ అప్పీల్ కోసం హాలీవుడ్ స్థాయి నటీనటులతో పాటు గ్లోబల్ స్టార్ హీరోయిన్ ప్రియాంక చోప్రా, మలయాళ సూపర్ స్టార్ పృథ్వీరాజ్ సుకుమారన్ వంటి అగ్ర తారలను కీలక పాత్రల కోసం ఎంపిక చేశారు. అడ్వెంచర్ తరహాలో సాగే ఈ కథ ప్రేక్షకులకు సరికొత్త థ్రిల్ ను పంచనుంది.