పశ్చిమ బెంగాల్ ముఖ్యమంత్రి మమతా బెనర్జీ మంగళవారం భవానీపూర్లోని మిత్ర ఇన్స్టిట్యూట్లో తన ఓటు వేశారు. ఓటు వేసిన అనంతరం ఆమె మీడియాతో మాట్లాడుతూ ఎన్నికల సంఘం తీరుపై తీవ్ర ఆగ్రహం వ్యక్తం చేశారు. ఎన్నికలు ‘స్వేచ్ఛగా, నిష్పక్షపాతంగా’ జరుగుతున్నాయన్న ఈసీ ప్రకటనలను ఆమె తోసిపుచ్చారు. తన రాజకీయ జీవితంలో ఇలాంటి “దురాగతాలను” ఎప్పుడూ చూడలేదని ఆమె ఆవేదన వ్యక్తం చేశారు. కేంద్ర బలగాలు బూత్ల వద్ద సామాన్య ప్రజలను, ముఖ్యంగా మహిళలను, పిల్లలను కూడా కొడుతున్నాయని ఆమె సంచలన ఆరోపణలు చేశారు. ఓటర్లను భయపెట్టడమే లక్ష్యంగా కేంద్రం ఇలాంటి చర్యలకు పాల్పడుతోందని, ప్రజాస్వామ్యాన్ని అపహాస్యం చేస్తున్నారని మమతా బెనర్జీ మండిపడ్డారు.



Source link