అదే సమయంలో మరో ప్రయాణికుడు వచ్చి, తాను కూర్చోవడానికి వీలుగా కాళ్లు తీయాలని కోరాడు. అప్పుడు కూడా ఆ వ్యక్తి తన కాళ్లను పూర్తిగా కిందకు దించకుండా, ఉద్దేశపూర్వకంగా ఎక్కువ స్థలాన్ని ఆక్రమిస్తూ “కూర్చో.. కూర్చో” అంటూ నిర్లక్ష్యంగా సమాధానం ఇచ్చాడు. ఇది సరైన పద్ధతి కాదని, ఇది మీ ఇల్లు కాదని చుట్టుపక్కల ఉన్నవారు హెచ్చరించినప్పటికీ అతని ప్రవర్తనలో ఏమాత్రం మార్పు రాలేదు. తోటి ప్రయాణికులు అతడికి ఎంతలా సర్దిచెప్పే ప్రయత్నం చేసినా వినకపోవడంతో అక్కడున్న వారంతా తీవ్ర అసహనానికి గురయ్యారు. అక్కడితో ఆ వీడియో ముగిసినప్పటికీ, అతడి మొండి వైఖరి నెట్టింట పెద్ద దుమారాన్నే రేపుతోంది.

ఈ వీడియో వైరల్ కావడంతో ఆ వ్యక్తి తీరుపై నెటిజన్లు తీవ్ర స్థాయిలో మండిపడుతున్నారు. పబ్లిక్ ట్రాన్స్‌పోర్ట్‌లో ఇలాంటి అసభ్యకరమైన ప్రవర్తనను ఉపేక్షించకూడదని డిమాండ్ చేస్తున్నారు. అతడిని వెంటనే గుర్తించి హైదరాబాద్ మెట్రోలో ప్రయాణించకుండా శాశ్వతంగా నిషేధం విధించాలని పలువురు కోరుతున్నారు. ఇలాంటి వ్యక్తిని పెంచినందుకు అతడి తల్లిదండ్రులు సిగ్గుపడాలని ఒకరు కామెంట్ చేయగా.. ఇదే ఘటన ఢిల్లీ మెట్రోలో జరిగి ఉంటే ఇంత చర్చ జరిగేది కాదని, ఈపాటికే డబ్ల్యూడబ్ల్యూఈ రేంజ్‌లో రెండు మూడు రౌండ్ల కొట్లాట జరిగి ఉండేదని మరొకరు వ్యంగ్యంగా స్పందించారు.

A video of a man putting his bare feet up on the seat in the Hyderabad Metro and not budging even after other passengers confront him has sparked a fresh debate on civic sense. pic.twitter.com/VfvME4FgQ7

— The Siasat Daily (@TheSiasatDaily) June 2, 2026