ఇటీవలే ఈ సినిమాకు సంబంధించిన మొదటి షెడ్యూల్ షూటింగ్ విజయవంతంగా పూర్తయింది. ఈ చిత్రంలోని కీలకమైన సన్నివేశాలను తెలంగాణలోని చారిత్రాత్మక నగరాలైన వరంగల్, హనుమకొండ పరిసర ప్రాంతాల్లో చిత్రీకరించారు. తదుపరి షెడ్యూల్‌ను బెంగళూరు నగరంలో ప్లాన్ చేస్తున్నారు.

ఈ సినిమా ద్వారా టాలీవుడ్ స్టార్ హీరోయిన్ నివేదా థామస్ తమ్ముడు నిఖిల్ థామస్ నటుడిగా పరిచయమవుతుండటం గమనార్హం. అక్క నటన వారసత్వాన్ని పునికిపుచ్చుకుని నిఖిల్ ఈ చిత్రం ద్వారా వెండితెరకు ఎంట్రీ ఇస్తుండటంతో సినిమాపై ట్రేడ్ వర్గాల్లో మంచి అంచనాలు ఏర్పడ్డాయి. ఈ చిత్రానికి మల్లూ నాయక్ సినిమాటోగ్రాఫర్‌గా వ్యవహరిస్తున్నారు. విశ్వదీప్ బాణీలు కడుతుండగా, హర్షిత్ కొటా ఎడిటర్ బాధ్యతలు నిర్వహిస్తున్నారు. ఈ ‘బాలక’ చిత్రం త్వరలోనే మరిన్ని అప్‌డేట్స్‌తో ప్రేక్షకుల ముందుకు రానుంది.