దేశ రాజకీయాల్లో హాట్ టాపిక్గా మారిన నియోజకవర్గాల పునర్విభజన (డీలిమిటేషన్) మరియు ‘ఉత్తరాది వర్సెస్ దక్షిణాది’ పన్నుల వివాదంపై ఆంధ్రప్రదేశ్ డిప్యూటీ సీఎం పవన్ కళ్యాణ్ సంచలన వ్యాఖ్యలు చేశారు. ఏఎన్ఐ (ANI) వార్తా సంస్థకు ఇచ్చిన తాజా ఇంటర్వ్యూలో ఆయన మాట్లాడుతూ.. జనాభా నియంత్రణను పాటించిన దక్షిణాది రాష్ట్రాల ఆందోళనల్లో అర్ధం ఉందని అంగీకరిస్తూనే, దీనిని ఉత్తర-దక్షిణ వివాదంగా మార్చడం సరికాదన్నారు. “దక్షిణాది రాష్ట్రాలు పన్నులు, పెట్టుబడుల రూపంలో ఆర్థికంగా దేశానికి సహకరిస్తున్నాయని వాదిస్తే.. రేపు ఉత్తరాది రాష్ట్రాలు ‘మేము భారత సైన్యానికి ఎక్కువ మంది సైనికులను అందిస్తున్నాం’ అని తమకు అనుకూలమైన మరో బలమైన వాదనను తెరపైకి తెస్తే పరిస్థితి ఏంటి?” అని ప్రశ్నించారు. నేటి తరం యువత ఇటువంటి ప్రాంతీయ విభేదాలను కోరుకోవడం లేదని, వారికి ఉద్యోగాలు, ఉపాధి అవకాశాలు మాత్రమే ముఖ్యమని పవన్ కళ్యాణ్ స్పష్టం చేశారు. ఆయన మాట్లాడిన పూర్తి వివరాలు ఈ వీడియోలో చూడండి.



Source link