తొలి సినిమా ‘ఉప్పెన’తోనే బాక్సాఫీస్ వద్ద బ్లాక్ బస్టర్ విజయాన్ని అందుకుని జాతీయ అవార్డు సాధించిన యువ దర్శకుడు బుచ్చిబాబు సన దర్శకత్వంలో రూపొందిన ఈ మోస్ట్ అవేటెడ్ పాన్-ఇండియా సినిమా, ప్రస్తుతం ఓటీటీ ప్రియులను అలరిస్తోంది. ముఖ గ్లోబల్ ఓటీటీ దిగ్గజం ‘నెట్‌ఫ్లిక్స్’ (నెట్ఫ్లిక్) లో నేటి నుంచి పెద్ది మూవీ స్ట్రీమింగ్ అవుతోంది. ‘ఆర్ఆర్ఆర్’ (RRR) వంటి గ్లోబల్ హిట్ తర్వాత రామ్ చరణ్ కు దేశవ్యాప్తంగా ఉన్న అపారమైన క్రేజ్ దృష్ట్యా ఈ ఓటీటీ రిలీజ్ కు భారీ స్థాయిలో రెస్పాన్స్ రావడం ఖాయంగా కనిపిస్తోంది.

ఈ రా అండ్ రస్టిక్ యాక్షన్ డ్రామాను వృద్ధి సినిమాస్ భారీ స్థాయిలో నిర్మించగా, టాలీవుడ్ అగ్ర నిర్మాణ సంస్థలు మైత్రీ మూవీ మేకర్స్, సుకుమార్ రైటింగ్స్ సంయుక్తంగా సమర్పించాయి. గ్రామీణ నేపథ్యం, పక్కా మాస్ అంశాలతో స్పోర్ట్స్ డ్రామాగా తెరకెక్కిన ఈ చిత్రంలో రామ్ చరణ్ మునుపెన్నడూ లేని సరికొత్త మేకోవర్‌లో, అత్యంత రఫ్ అండ్ రస్టిక్ లుక్‌లో కనిపించి అభిమానులను మెప్పించారు. బుచ్చిబాబు సన వినూత్న టేకింగ్, సుకుమార్ మార్క్ స్క్రీన్ ప్లే, చరణ్ యాక్షన్ సీక్వెన్సులు ఈ సినిమాకు ప్రధాన ఆకర్షణగా నిలిచాయి. డిజిటల్ హక్కుల కోసం తీవ్ర పోటీ నెలకొనగా, నెట్‌ఫ్లిక్స్ సంస్థ రికార్డు స్థాయి ధరకు ‘పెద్ది’ స్ట్రీమింగ్ రైట్స్ దక్కించుకున్నట్లు సమాచారం.

థియేటర్లలో సినిమాను మిస్ అయిన వారు, అలాగే రామ్ చరణ్ మాస్ విశ్వరూపాన్ని కుటుంబ సమేతంగా ఇంట్లో మళ్లీ మళ్లీ చూడాలనుకునే సినీ అభిమానులు ఇప్పుడీ సినిమాను ఓటీటీలో ఎంజాయ్ చేయొచ్చు.