భారీ అంచనాల నడుమ జూన్ 4, 2026న థియేటర్లలో విడుదలైన ‘పెద్ది’ ప్రపంచవ్యాప్తంగా రూ. 400 కోట్లకు పైగా గ్రాస్ వసూళ్లు సాధించి, ఈ ఏడాది టాలీవుడ్‌లో భారీ కమర్షియల్ హిట్లలో ఒకటిగా నిలిచింది. ఇప్పుడు థియేటర్లలో మిస్ అయిన వారే కాకుండా, సినిమాను మళ్ళీ చూడాలనుకునే అభిమానులు కూడా ఓటీటీకి క్యూ కడుతుండటంతో ‘పెద్ది’ వ్యూయర్‌షిప్ రికార్డులు బద్దలు కొడుతోంది. ప్రస్తుతం తెలుగు, తమిళ, కన్నడ, మలయాళ భాషల్లో నెట్‌ఫ్లిక్స్‌లో స్ట్రీమింగ్ అవుతున్న ఈ చిత్రం, త్వరలోనే హిందీ ప్రేక్షకులకు కూడా అందుబాటులోకి రానుంది.

ఈ రా అండ్ రస్టిక్ యాక్షన్ డ్రామాను వృద్ధి సినిమాస్ భారీ స్థాయిలో నిర్మించగా, టాలీవుడ్ అగ్ర నిర్మాణ సంస్థలు మైత్రీ మూవీ మేకర్స్, సుకుమార్ రైటింగ్స్ సంయుక్తంగా సమర్పించాయి. గ్రామీణ నేపథ్యం, పక్కా మాస్ అంశాలతో స్పోర్ట్స్ డ్రామాగా తెరకెక్కిన ఈ చిత్రంలో రామ్ చరణ్ మునుపెన్నడూ లేని సరికొత్త మేకోవర్‌లో, అత్యంత రఫ్ అండ్ రస్టిక్ లుక్‌లో కనిపించి అభిమానులను మెప్పించారు. బుచ్చిబాబు సన వినూత్న టేకింగ్, సుకుమార్ మార్క్ స్క్రీన్ ప్లే, చరణ్ యాక్షన్ సీక్వెన్సులు ఈ సినిమాకు ప్రధాన ఆకర్షణగా నిలిచాయి. సో, ఇంకెందుకు ఆలస్యం ఒకవేళ మీరు ఈ సినిమా చూడలేందంటే వెంటనే ఓటీటీలో చూసేయండి.