లోకల్ 18 ప్రతినిధి శెట్టి జగదీష్‌తో విశాఖ అభిమానులు పంచుకున్న వివరాల ప్రకారం.. ఈ కథ విజయనగరం జిల్లాలోని ‘కొండ కింద ఊరు’ అనే ప్రభుత్వ రికార్డుల్లో కనీస గుర్తింపు కూడా లేని ఓ అనాథ గ్రామం నేపథ్యంలో సాగుతుంది. ఆ ఊళ్లో పుట్టి పెరిగిన సామాన్య యువకుడు పెద్ది (రామ్ చరణ్) రోజూ విజయనగరం వెళ్లి సాధారణ కూలీ పనులు చేసుకుంటూ జీవనం సాగిస్తుంటాడు. కూలీ పని చేసే అతనికి క్రికెట్ ఆటలో అద్భుతమైన నైపుణ్యం ఉంటుంది. మైదానంలో అతని అసాధారణ ప్రతిభను చూసి విజయనగరం, బొబ్బిలి జట్లు వేలంలో పెద్దిని కొనుగోలు చేయడానికి తీవ్రంగా పోటీ పడుతుంటాయి. అందుకే స్థానిక జనాలు అతన్ని ముద్దుగా ‘ఆట కూలీ’ అని పిలుస్తుంటారు.

కేవలం ఆటలకే పరిమితం కాకుండా ఈ చిత్రంలో అడుగడుగునా కనిపించే బలమైన భావోద్వేగాలు ప్రేక్షకులను కంటతడి పెట్టిస్తాయి. సినిమా చివరలో వచ్చే హార్ట్ టచింగ్ క్లైమాక్స్, ఆస్పత్రిలో సాగే అత్యంత ఎమోషనల్ సన్నివేశాలు ప్రేక్షకులకు కన్నీళ్లు తెప్పిస్తూ హైలైట్‌గా నిలిచాయని ఫ్యాన్స్ స్పష్టం చేస్తున్నారు. మొత్తంగా తన ఊరి గుర్తింపు కోసం ఒక యువకుడు చేసే భావోద్వేగ భరితమైన పోరాటాన్ని బుచ్చిబాబు తెరకెక్కించిన విధానం, రామ్ చరణ్ నటనా విశ్వరూపం ‘పెద్ది’ చిత్రాన్ని బాక్సాఫీస్ వద్ద రికార్డుల దిశగా నడిపిస్తున్నాయని అభిమానులు పండగ చేసుకుంటున్నారు.