మచిలీపట్నంలోని వైఎస్సార్సీపీ కార్యాలయంలో ఏర్పాటు చేసిన ప్రెస్ మీట్లో మాజీ మంత్రి పేర్ని నాని కూటమి ప్రభుత్వంపై తీవ్రస్థాయిలో ధ్వజమెత్తారు. రాష్ట్రంలో హోంగార్డులు ఎదుర్కొంటున్న దయనీయ పరిస్థితులను ఆయన వివరించారు. హోంగార్డులకు కనీసం డీఏ (DA) కూడా ఇవ్వడం లేదని, జిల్లాల్లో బందోబస్తు విధిస్తే సొంత ఖర్చులతో వెళ్లాల్సి వస్తోందని మండిపడ్డారు. కానిస్టేబుళ్ల తరహాలో వీరికి ఎలాంటి ఆరోగ్య భద్రత లేదని, పొరపాటున ఎవరైనా చనిపోతే తోటి హోంగార్డులు తమ ఒకరోజు వేతనాన్ని విరాళంగా ఇచ్చి అంత్యక్రియలు నిర్వహించాల్సిన దుస్థితి నెలకొందని ఆవేదన వ్యక్తం చేశారు. గత వైఎస్ జగన్ ప్రభుత్వం హోంగార్డుల జీతాన్ని రూ.21 వేలకు పెంచిందని గుర్తు చేస్తూ.. ప్రస్తుత ప్రభుత్వం హోంగార్డుల ఆత్మాభిమానాన్ని దెబ్బతీస్తోందని పేర్ని నాని విమర్శించారు.



Source link