మెలోనీ, మోదీ స్నేహాన్ని.. మెలోడీగా పిలుచుకుంటారు నెటిజన్లు. ఇలాంటి సమయంలో.. సరిగ్గా మెలోడీ చాక్లెట్లనే మోదీ గిఫ్టుగా ఇవ్వడం హాట్ టాపిక్ అయ్యింది. ఇందుకు సంబంధించిన వీడియోని షేర్ చేసిన మెలోనీ.. ప్రధాని మోదీకి ధన్యవాదాలు తెలిపారు.

ఈ పర్యటనలో భాగంగా రెండు దేశాల నేతలూ కీలక చర్చలు జరిపారు. ఈ భేటీలో వాణిజ్యం, రక్షణ, శుభ్రమైన ఇంధనం, సాంకేతికత, ఇండియా-మిడిల్ ఈస్ట్-యూరప్ ఎకనామిక్ కారిడార్ (IMEC) వంటి అంశాలపై దృష్టి సారించారు. రెండు దేశాల మధ్య ఉన్న స్ట్రాటజిక్ పార్టనర్‌షిప్‌ను స్పెషల్ స్ట్రాటజిక్ పార్టనర్‌షిప్‌గా అప్‌గ్రేడ్ చేసే దిశగా చర్చలు జరిగాయి.

మెలోడీ నైన్టీస్ మెమరీస్:

మెలోడీ అనేది నైన్టీస్ కిడ్స్‌కి అత్యంత ఇష్టమైన చాక్లెట్లలో ఒకటి. అప్పట్లో మహాలాక్టో, ఆశ, మెలోడీ లాంటి చాక్లెట్లు ఎంతగానో ప్రజాదరణ పొందాయి. ముఖ్యంగా మెలోడీ అనేది మెత్తగా ఉంటూ.. కాఫీ టేస్ట్ ఇస్తూ పిల్లలకు బాగా నచ్చేది. పెద్ద వాళ్లు కూడా ఈ చాక్లెట్ తింటే.. కాఫీ తాగినట్లే ఉంటుందని అనే వారు.. ఇలా ఈ చాక్లెట్లు అన్ని వయసుల వారినీ అలరించాయి. ఐతే.. ఎన్నో చాక్లెట్లు ఉన్నా.. ప్రధాని మోదీ.. ఈ చాక్లెట్లనే జార్జియా మెలోనీకి ఇవ్వడానికి కారణం.. మోదీ, మెలోనీ స్నేహాన్ని నెటిజన్లు మెలోడీ అని పిలవడమే. ఇందులో మెలో అనేది మెలోనీ పేరు కాగా.. మోడీలో డీని ఉపయోగిస్తున్నారు.

దీనికి ముందు.. జార్జియా.. ప్రధాని మోదీతో ఓ సెల్ఫీ దిగారు. దానిపై కూడా పెద్ద ఎత్తున చర్చ జరుగుతోంది. ఇద్దరు నేతలూ రోమ్ లోని కొలోసియం సందర్శించి సెల్ఫీ తీసుకున్నారు. ఈ సెల్ఫీ సోషల్ మీడియాలో వైరల్ అయింది. దీనికి “మెలోడీ టీమ్” అనే హ్యాష్‌ట్యాగ్‌తో పాత సందర్భాలు మళ్లీ గుర్తు చేసుకోసుకున్నారు.

ప్రధాని మోదీ ఇటలీ పర్యటన.. సెల్ఫీ దిగిన జార్జియా మెలోనీ (Image credit – x – @GiorgiaMeloni)

ఇదివరకు వివిధ పర్యటనల్లో కొన్నిసార్లు మెలోనీ, మోదీ కలిశారు. అప్పుడు కూడా ఇలాగే వారి మధ్య స్నేహం చిగురించింది. ఇప్పుడు సెల్ఫీలు, గిఫ్టులతో మరింత పెరిగింది. ఇలాంటి స్నేహ బంధాలు.. భారత్‌తో ఇతర దేశాల మధ్య సఖ్యతను మరింత పెంచుతాయనీ.. దేశాల మధ్య యుద్ధ వాతావరణాలు లేకుండా.. స్నేహ భావం ఉంటుందని నెటిజన్లు అభిప్రాయపడుతున్నారు.