ఇదిలా ఉంటే.. అంతకుముందు సోషల్ మీడియా వేదికగా “జస్ట్ ఆస్కింగ్” (#JustAsking) అంటూ రాజకీయ, సామాజిక అంశాలపై నిలదీసే విలక్షణ నటుడు ప్రకాష్ రాజ్, తాజాగా చేసిన ఒక పోస్ట్ ఇండస్ట్రీతో పాటు రాజకీయ వర్గాల్లో తీవ్ర దుమారం రేపింది. ఎవరి పేరును నేరుగా ప్రస్తావించనప్పటికీ.. జనసేన అధినేత, ఏపీ ఉపముఖ్యమంత్రి పవన్ కళ్యాణ్‌ను టార్గెట్ చేస్తూ ప్రకాష్ రాజ్ వ్యంగ్యాస్త్రాలు విసిరారు. “మీరొస్తామంటే మేమొద్దంటామా.. రండి దొర. కానీ వచ్చే ముందు ఉత్తుత్తినే వస్తున్నారా?.. పొత్తుతో వస్తున్నారా?.. సింగిల్ గా వస్తున్నారా? చెప్పి రండి” అంటూ సెటైర్లు వేశారు. ప్రకాష్ రాజ్ చేసిన ఈ కామెంట్స్ మెగా అభిమానులకు తీవ్ర ఆగ్రహాన్ని తెప్పించాయి.

ఈ నేపథ్యంలో, పవన్ కళ్యాణ్‌ను తన దేవుడిగా భావించే ప్రముఖ నటుడు, నిర్మాత బండ్ల గణేష్ ఈ పోస్ట్‌పై అత్యంత ఘాటుగా స్పందించారు. ప్రకాష్ రాజ్‌ను ట్యాగ్ చేస్తూ తనదైన శైలిలో సోషల్ మీడియా వేదికగా విరుచుకుపడ్డారు. “ఒరేయ్.. నీకెందుకురా ప్రతి దాంట్లో వేలుపెట్టడం? అసలు నువ్వెవడివి? తమిళోడివా.. తెలుగోడివా.. కన్నడోడివా? నీ ఊరు ఏది.. నీ కథ ఏంటి? నీ బతుక్కి పని లేకపోతే చూస్కో, అందరి విషయాల్లో దూరి హీరోలా ఫీలవ్వకు. ముందు నీ అడ్రస్ నువ్వు తెలుసుకో, ఆ తర్వాత ప్రపంచాన్ని మార్చే ప్రయత్నం చేయి” అంటూ బండ్ల గణేష్ తీవ్ర స్థాయిలో మండిపడ్డారు.

ట్విట్టర్ (ఎక్స్) వేదికగానే కాకుండా, ఆ తర్వాత పలు ప్రముఖ న్యూస్ ఛానళ్ల డిబేట్లలో కూడా పాల్గొన్న బండ్ల గణేష్, ప్రకాష్ రాజ్ వైఖరిపై తీవ్ర విమర్శలు గుప్పించారు. కేవలం పబ్లిసిటీ కోసమే ప్రకాష్ రాజ్ ఇలాంటి వ్యాఖ్యలు చేస్తున్నారని ధ్వజమెత్తారు. ప్రస్తుతం టాలీవుడ్ ఫిలిం సర్కిల్స్‌తో పాటు ఇరు రాష్ట్రాల రాజకీయాల్లోనూ ఈ ‘ప్రకాష్ రాజ్ వర్సెస్ బండ్ల గణేష్’ వివాదం హాట్ టాపిక్‌గా మారింది.