భారతీయ చలనచిత్ర చరిత్రలోనే మునుపెన్నడూ లేని విధంగా అత్యంత భారీ బడ్జెట్‌తో ప్రతిష్టాత్మకంగా తెరకెక్కుతున్న అద్భుత దృశ్యకావ్యం ‘రామాయణం’ (Ramayana). ‘దంగల్’ ఫేమ్ నితేష్ తివారీ దర్శకత్వంలో రూపొందుతున్న ఈ పౌరాణిక చిత్రంపై దేశవ్యాప్తంగా భారీ అంచనాలు నెలకొన్నాయి. బాలీవుడ్, టాలీవుడ్, శాండల్‌వుడ్.. ఇలా అన్ని ఇండస్ట్రీల అగ్ర తారల కలయికతో ఈ సినిమా రూపుదిద్దుకుంటోంది. తాజా సమాచారం ప్రకారం, ఈ సినిమా నిర్మాణ వ్యయం (బడ్జెట్) ఏకంగా రూ. 4,000 కోట్లు అని తెలుస్తోంది. అత్యున్నత సాంకేతిక విలువలు, వరల్డ్ క్లాస్ వీఎఫ్‌ఎక్స్ (VFX) తో ఈ చిత్రాన్ని రెండు భాగాలుగా ప్రేక్షకుల ముందుకు తీసుకురానున్నారు. మొదటి భాగాన్ని 2026 దీపావళి కానుకగా, రెండో భాగాన్ని 2027 దీపావళికి విడుదల చేసేలా మేకర్స్ సన్నాహాలు చేస్తున్నారు.