తాజాగా విడుదలైన ఈ బర్త్‌డే పోస్టర్ సినిమాపై ఒక్కసారిగా అంచనాలను పెంచేసింది. ఇందులో రహ్మాన్ లుక్ ఎంతో ఎలిగెంట్‌గా, అంతే పవర్‌ఫుల్‌గా ఉంది. ఆయన పాత్ర చుట్టూ ఉన్న రహస్యాన్ని, ఆ క్యారెక్టర్ యొక్క తీవ్రతను ప్రతిబింబించేలా ఈ పోస్టర్‌ను డిజైన్ చేశారు. కేవలం ఒక పోస్టర్‌తోనే సినిమాలో రహ్మాన్ పాత్ర ఎంత ఇంపాక్ట్‌ఫుల్‌గా ఉండబోతోందో చిత్రబృందం హింట్ ఇచ్చింది. ఇది ఒక ఉత్కంఠభరితమైన సినీ ప్రయాణానికి ఆరంభం మాత్రమేనని, ఈ చిత్రానికి సంబంధించిన పూర్తి వివరాలను, ఇతర నటీనటులు, సాంకేతిక నిపుణుల వివరాలను అతి త్వరలోనే అధికారికంగా ప్రకటిస్తామని పౌర్ణమి ఎంటర్టైన్మెంట్స్ మేనేజ్‌మెంట్ పేర్కొంది.

ప్రస్తుతం రహ్మాన్ పుట్టినరోజు పోస్టర్ సోషల్ మీడియాలో వైరల్ అవుతుండగా, సినీ ప్రముఖులు, అభిమానులు ఆయనకు జన్మదిన శుభాకాంక్షలు తెలుపుతున్నారు. వైవిధ్యమైన కథాంశంతో వస్తున్న ఈ ‘ప్రొడక్షన్ నెం. 1’ చిత్రం రహ్మాన్ కెరీర్‌లో మరో మైలురాయిగా నిలుస్తుందని ఇండస్ట్రీ వర్గాలు భావిస్తున్నాయి.