ప్రస్తుత డిజిటల్ యుగంలో స్మార్ట్‌ఫోన్లు, ఓటీటీ (OTT) ప్లాట్‌ఫామ్‌లు, గ్లోబల్ స్ట్రీమింగ్ ద్వారా ప్రపంచవ్యాప్త సమాచారం అరచేతిలో ఉంటోందని వర్మ గుర్తుచేశారు. ఇలాంటి సమయంలో ప్రభుత్వం నియమించిన ఓ కమిటీ సభ్యులు.. పెద్దలైన ప్రేక్షకులను సినిమాల్లోని చెడు నుంచి కాపాడతామని చెప్పడం హాస్యాస్పదంగా ఉందని ఎద్దేవా చేశారు. అసలు ఆ కమిటీ సభ్యుల అర్హతలు ఏమిటో చెప్పాలని ఆయన నిలదీశారు. 18 ఏళ్లు నిండిన పౌరుడికి దేశ భవిష్యత్తును నిర్ణయించే నాయకుడిని ఎన్నుకునే ఓటు హక్కు ఉంటుందని రాజ్యాంగం నమ్ముతున్నప్పుడు.. అదే పౌరుడికి ఏ సినిమా చూడాలో, ఏది చూడకూడదో నిర్ణయించుకునే స్వేచ్ఛ లేదా? అని వర్మ సూటిగా ప్రశ్నించారు. కేవలం ఒక సినిమాలోని సన్నివేశం వారిని చెడగొడుతుందని నమ్మడం ప్రభుత్వ ద్వంద్వ వైఖరికి నిదర్శనమన్నారు.

సెన్సార్ కట్స్ వల్ల ఉపయోగం లేకపోగా, అది మరింత నష్టం చేస్తుందని వర్మ విశ్లేషించారు. థియేటర్లలో కట్ చేసిన సీన్లు కొన్ని గంటల్లోనే టెలిగ్రామ్, టొరెంట్స్ ద్వారా లీక్ అవుతున్నాయని తెలిపారు. హాలీవుడ్ చిత్రం ‘అబ్సెషన్’ (Obsession) లోని తల బాదుకునే సన్నివేశాన్ని సెన్సార్ కత్తిరించిన తర్వాత, అది ఇన్‌స్టాగ్రామ్ రీల్స్ ద్వారా థియేటర్లో సినిమా చూసినవారి కంటే పదిరెట్లు ఎక్కువ మందికి చేరిందని ఉదాహరణగా చెప్పారు. కంటెంట్‌ను బ్యాన్ చేస్తే, ప్రజల్లో క్యూరియాసిటీ పెరిగి దానికి డిమాండ్ మరింత పెరుగుతుందని స్పష్టం చేశారు.

CENSOR should be BANNED

Censoring Films Actually is an INSULT to the AUDIENCES

In an era of smartphones, global streaming, and access to infinite information, to pretend that a government appointed committee (What is the qualification of its members ?) can shield adults from…

— Ram Gopal Varma (@RGVzoomin) July 15, 2026