17 భాషల్లో వేలాది పాటలు: ఎస్. జానకి కేవలం దక్షిణాది భాషలకే పరిమితం కాకుండా.. తెలుగు, తమిళం, కన్నడ, మలయాళం, హిందీతో పాటు ఒరియా, బెంగాలీ, ఇంగ్లీష్, జపనీస్, జర్మన్ వంటి దాదాపు 17 భాషల్లో 48 వేలకు పైగా అద్భుత గీతాలను ఆలపించారు.

జానకమ్మ తన సుదీర్ఘ ప్రయాణంలో 4 జాతీయ అవార్డులు, 33 వేర్వేరు రాష్ట్ర ప్రభుత్వ అవార్డులను సొంతం చేసుకున్నారు. కన్నడ చిత్రసీమకు చేసిన సేవలకు గానూ మైసూర్ విశ్వవిద్యాలయం ఆమెకు గౌరవ డాక్టరేట్ ప్రదానం చేసింది. 1997 లో ఫిలింఫేర్ లైఫ్‌టైమ్ అచీవ్‌మెంట్ అవార్డ్ (సౌత్), సైమా (SIIMA) లైఫ్‌టైమ్ అచీవ్‌మెంట్ అవార్డులను అందుకున్నారు.

2013లో కేంద్ర ప్రభుత్వం ప్రకటించిన ‘పద్మభూషణ్’ పురస్కారాన్ని ఆమె తిరస్కరించారు. దక్షిణాది కళాకారులకు చాలా ఆలస్యంగా గుర్తింపు ఇస్తున్నారని, ఐదు దశాబ్దాలకు పైగా సేవ చేసిన తనకు అభిమానుల ప్రేమే పెద్ద అవార్డని చెప్తూ ఆ పురస్కారాన్ని నిరాకరించి వార్తల్లో నిలిచారు. నేడు ఆ భౌతిక కాయం మన మధ్య లేకపోయినా, ఆమె సాధించిన ఈ మైలురాళ్లు, అందించిన అమర గీతాలు భారతీయ సంగీత చరిత్రలో సజీవంగా ఉంటాయి.