చండీగఢ్‌కు చెందిన ప్రముఖ వ్యాపారవేత్త అరుణ్ గుప్తా దాఖలు చేసిన పిటిషన్ ఆధారంగా కోర్టు ఈ నిర్ణయం తీసుకుంది. ఫిర్యాదు వివరాల ప్రకారం.. చండీగఢ్‌లోని మణిమజ్రా ప్రాంతంలో ‘బీయింగ్ హ్యూమన్’ జ్యువెలరీ షోరూమ్‌ను ఏర్పాటు చేసేందుకు కంపెనీ ప్రతినిధులు ఇచ్చిన హామీలను నమ్మి తాను సుమారు రూ.3 కోట్లు పెట్టుబడి పెట్టినట్లు గుప్తా తెలిపారు. అందులో కేవలం షోరూమ్ ఇంటీరియర్, డెవలప్‌మెంట్ కోసమే రూ.కోటి ఖర్చు చేసినట్లు వివరించారు. అయితే, షోరూమ్ ప్రారంభించిన తర్వాత ఒప్పందం ప్రకారం కంపెనీ నుంచి ఎటువంటి బిజినెస్ సపోర్ట్ లభించలేదని గుప్తా ఆరోపించారు. 2020 ఫిబ్రవరి నుంచి స్టాక్ లేదా నగల సరఫరాను పూర్తిగా నిలిపివేయడంతో వ్యాపారం దెబ్బతిని, తీవ్ర నష్టాలతో స్టోర్ మూసివేయాల్సి వచ్చిందని ఆవేదన వ్యక్తం చేశారు.

సామాజిక సేవా కార్యక్రమాల పేరుతో సల్మాన్ ఖాన్ ప్రారంభించిన ‘బీయింగ్ హ్యూమన్’ లైఫ్‌స్టైల్ బ్రాండ్‌కు సమాజంలో మంచి గుర్తింపు ఉంది. కానీ, ఈ ఫ్రాంచైజీ మోడల్‌పై ఇలాంటి వ్యాపార మోసం ఆరోపణలు రావడం సంచలనంగా మారింది.