కోలీవుడ్‌లో తనదైన నటనతో ప్రత్యేక గుర్తింపు తెచ్చుకున్న టాలెంటెడ్ హీరో కార్తీకి తెలుగు ప్రేక్షకుల్లోనూ మంచి ఫాలోయింగ్ ఉంది. విభిన్న కథలను ఎంచుకుంటూ తనకంటూ ప్రత్యేకమైన మార్కెట్‌ను క్రియేట్ చేసుకున్న కార్తీ.. కొంతకాలంగా వరుస సినిమాలతో ప్రేక్షకులను అలరించేందుకు ప్రయత్నిస్తున్నాడు. ఈ నేపథ్యంలో ఆయన నటిస్తున్న తాజా చిత్రం ‘సర్దార్ 2’పై మాత్రం మొదటి నుంచే భారీ అంచనాలు నెలకొన్నాయి. 2022లో వచ్చిన ‘సర్దార్’కు సీక్వెల్‌గా తెరకెక్కుతున్న ఈ స్పై యాక్షన్ థ్రిల్లర్‌కు పి.ఎస్. మిత్రన్ దర్శకత్వం వహిస్తున్నారు.