హైదరాబాద్‌లో జాసన్ సంజయ్ ఫస్ట్ మూవీ సిగ్మా ప్రీ-రిలీజ్ ఈవెంట్‌ జరిగింది. సాధారణంగా చాలా మంది హీరోలు తమ పిల్లలను ఇండస్ట్రీకి పరిచయం చేస్తుంటే నిర్మాతగా లేదంటే సొంత బ్యానర్‌లో పరిచయం చేయడం అది కాదంటే మంచి టెక్నీషియన్స్, స్టార్ కాస్ట్ విషయంలో జోక్యం చేసుకుంటారు. మరి మీ సినిమా విషయంలో మీ తండ్రి విజయ్ ఎలాంటి సహకారం అందించారని అడిగితే జాసన్ అదిరిపోయే సమాధానం ఇచ్చాడు. జాసన్ సంజయ్ మాట్లాడటానికి ముందుకు స్టేజిపైకి రాగానే విజయ్ పేరు వినగానే అభిమానులు కేరింతలు కొట్టడం మొదలుపెట్టారు. జాసన్ సంజయ్ చిరునవ్వు నవ్వి వారి వైపు చూపించాడు. వారు తనపై కురిపించిన అపారమైన ప్రేమాభిమానికి ఫిదా అవుతూ నవ్వుతూ నమస్కారం చేశాడు.

ఇక తన ఫస్ట్ మూవీ ప్రమోషన్‌లో తండ్రి విజయ్ పాల్గొంటారని ఆశగా అడుగుతున్న మీడియాకు, ఎదురుచూస్తున్న అభిమానులకు క్లారిటీ ఇచ్చాడు జాసన్ సంజయ్. తన సినిమా ప్రచారంలో విజయ్ పాల్గొనరని జాసన్ సంజయ్ చెప్పాడు. “మా నాన్న సిగ్మా రిలీజ్ కోసం ఎదురుచూస్తున్నారని.. కాని ప్రచారం మాత్రం చేయరని చెప్పాడు. ప్రచారం అనేది ఆయనపై కాకుండా సినిమాపైనే దృష్టి సారించాలని నేను కోరుకుంటున్నానని చెప్పాడు. తన తండ్రి వల్ల సినిమా ప్రాధాన్యత మరుగున పడటం నాకు ఇష్టం లేదని సిగ్మా రిలీజైన తర్వాతే నటనకు సంబంధించిన అవకాశాలను పరిశీలిస్తానని కూడా క్లారిటీ ఇచ్చాడు జాసన్ సంజయ్.

వాస్తవానికి ఈ చిత్రం 2026 జూలై 31న విడుదల కావాల్సి ఉంది. అయితే ఆ తర్వాత దీనిని 2026 అక్టోబర్ 2కి వాయిదా వేశారు. ఆసక్తికరమైన విషయం ఏమిటంటే ఈ చిత్రం ఆయన తండ్రి , యు త్రిష కృష్ణన్ నటించిన బ్లాక్‌బస్టర్ చిత్రం ‘తిరుపాచి’ (Thirupachi) పునఃవిడుదలతో పోటీ పడే అవకాశం ఉంది. ఈ సినిమా ట్రైలర్ 2026 సెప్టెంబర్ 18న విడుదల కానుంది.