‘ది రెడ్ బ్యాగ్’ సినిమాలో సావిత్రి పాత్రలో ఓ పవర్ ఫుల్ రోల్‌ పోషించారు రాశీ. తాజాగా విడుదల చేసిన పోస్టర్ లో ఈ పాత్రకు సంబంధించిన గెటప్, లుక్స్ ఎంత సింపుల్‌గా ఉన్నాయో.. ఆమె లుక్ అంత ఇంటెన్స్‌గా ఉంది. చూస్తుంటే ఈ రోల్ రాశి కెరీర్ లోనే ప్రత్యేకం కానుందని అర్థమవుతోంది. ఈ చిత్రాన్ని త్వరలోనే రిలీజ్ చేసేందుకు మేకర్స్ సన్నాహాలు చేస్తున్నారు.

ఈ క్రమంలోనే టీజర్‌ను రెడీ చేస్తున్నట్టుగా తెలిపిన చిత్ర యూనిట్.. టీజర్‌తో మూవీపై మరింత బజ్ క్రియేట్ అవుతుందని అంటున్నారు. తొలి సినిమానే అయినా, నిర్మాత హరికృష్ణ సోమిశెట్టి ఎక్కడా కాంప్రమైజ్ కాకుండా భారీ బడ్జెట్‌తో చిత్రాన్ని నిర్మించారు. ఈ మూవీకి శేఖర్ మోపురి సంగీతమందించగా.. ప్రియేష్ గురుసామి కెమెరామెన్‌గా, శివ శర్వాని ఎడిటర్‌గా పని చేశారు.

ఈ సినిమాలో కబీర్ సింగ్, ప్రసాద్ బెహరా, రాధ్య, మోనిక, స్నేహా సింగ్, ఆకాంక్ష, ఈషాన్ శంకర్, అవినాష్ బదల్, భార్గవి తదితరులు కీలక పాత్రల్లో నటిస్తుండగా.. శేఖర్ మోపురి సంగీతం అందిస్తున్నారు.