ఆ వైరల్ క్లిప్‌లో.. తిలక్ వర్మ హెడ్‌ఫోన్స్ పెట్టుకుని చాలా సీరియస్‌గా హోటల్ లాబీలో నడుచుకుంటూ వెళ్తుండగా, వెనుక నుంచి సూర్యకుమార్ యాదవ్ అతనిని ఉద్దేశించి “వీడు ప్రేమలో పడ్డాడు” (In Love) అంటూ గట్టిగా నవ్వుతూ ఆటపట్టించడం కనిపించింది. సూర్యకుమార్ నేరుగా శ్రీలీల పేరు ఎత్తకపోయినప్పటికీ, నెటిజన్లు మాత్రం ఈ కామెంట్‌ను వీరిద్దరి మధ్య నడుస్తున్నట్లు చెప్తున్న ప్రేమ వ్యవహారానికి లింక్ చేస్తూ పోస్టులు పెడుతున్నారు. అయితే, ఈ రూమర్లపై అటు తిలక్ వర్మ గానీ, ఇటు శ్రీలీల గానీ ఇప్పటివరకు ఎలాంటి అధికారిక ప్రకటన చేయలేదు.

ఆ తర్వాత ఐపీఎల్ (IPL) మ్యాచ్‌ల సందర్భంగా ఈ రూమర్స్ మరింత ఊపందుకున్నాయి. ధర్మశాలలో పంజాబ్ కింగ్స్‌తో జరిగిన ముంబై ఇండియన్స్ మ్యాచ్‌లో శ్రీలీల తల్లి డాక్టర్ స్వర్ణలత ప్రీమియం హాస్పిటాలిటీ పవలియన్‌లో కూర్చుని మ్యాచ్ చూడటం అభిమానుల కంట పడింది. అంతేకాకుండా, ముంబైలోని వాంఖడే స్టేడియంలో జరిగిన మరో మ్యాచ్‌కు శ్రీలీల కూడా హాజరయ్యారు. ఆ సమయంలో ఆమె పర్సనల్ టీమ్‌కు చెందిన ఒక వ్యక్తి వెనుక వైపు ‘తిలక్’ అని రాసి ఉన్న జెర్సీని ధరించి ఉండటాన్ని నెటిజన్లు గమనించారు. దాంతో, వీరిద్దరి మధ్య ఏదో నడుస్తోందనే చర్చ సోషల్ మీడియాలో మరింత గట్టిగా వినిపించింది. ఇద్దరూ కొద్దిరోజుల పాటు ఇన్‌స్టాగ్రామ్‌లో ఒకరినొకరు అన్‌ఫాలో చేసుకున్నారని, మీడియా దృష్టి మరల్చడానికే ఇలా చేశారంటూ మరికొందరు చెప్తున్నారు.

ఒక నెటిజన్ స్పందిస్తూ.. “వీరిద్దరూ డేటింగ్‌లో ఉన్నారని నేను అనుకోవడం లేదు. ఆ లాజిక్ ప్రకారం చూస్తే, గతంలో నటి ప్రతిభా రాంటా కూడా ముంబై మ్యాచ్‌కు వచ్చింది, అలాగని ఆమె శ్రేయస్ అయ్యర్‌ను డేటింగ్ చేస్తోందా? ఎవరైనా మ్యాచ్ చూడటానికి రావొచ్చు” అని రాశారు. మరో యూజర్ స్పందిస్తూ.. “శ్రుతి హాసన్ ఎన్నోసార్లు సీఎస్‌కే జెర్సీ వేసుకుని చెన్నై మ్యాచ్‌లకు వచ్చింది, అంతమాత్రాన ఆమె ఎవరినైనా ప్రేమిస్తున్నట్లా? సెలబ్రిటీలకు క్రికెట్ అంటే ఇష్టం, అంతే తప్ప ప్రతిదానికీ ప్రేమను అంటగట్టకండి” అంటూ తిలక్, శ్రీలీలలకు మద్దతుగా నిలిచారు.