Last Updated:
తిరుమలలో అన్నమయ్య భవనం వద్ద 9 అడుగుల పాము కలకలం రేపింది. టీటీడీ సిబ్బంది పామును పట్టుకుని అటవీ ప్రాంతంలో వదిలారు.
తిరుమలలో బుధవారం భారీ పాము కనిపించడంతో కొద్దిసేపు కలకలం నెలకొంది. అన్నమయ్య భవనం సమీపంలోని ఓ గదిలో సుమారు తొమ్మిది అడుగుల పొడవున్న భారీ జెర్రిపోతు కనిపించింది. ఒక్కసారిగా గదిలో పాము కనిపించడంతో అక్కడ విధులు నిర్వహిస్తున్న సిబ్బంది భయాందోళనకు గురయ్యారు.
గదిలోకి వచ్చిన భారీ పామును చూసిన సిబ్బంది వెంటనే అప్రమత్తమయ్యారు. పరిస్థితిని గమనించి పాములను పట్టుకోవడంలో అనుభవం ఉన్న టీటీడీ ఉద్యోగికి సమాచారం అందించారు. దీంతో ఆయన వెంటనే అక్కడికి చేరుకున్నారు.
అనంతరం ఎంతో చాకచక్యంగా పామును పట్టుకున్న ఆయన.. ఎలాంటి హాని కలగకుండా సురక్షితంగా బయటకు తీసుకెళ్లారు. అనంతరం తిరుమలలోని సమీప అటవీ ప్రాంతానికి తీసుకెళ్లి పామును వదిలిపెట్టారు.
జనసంచారం ఉన్న ప్రాంతానికి సమీపంలో సుమారు తొమ్మిది అడుగుల భారీ పాము కనిపించడంతో కొంతసేపు అక్కడ ఆందోళన నెలకొంది. అయితే సకాలంలో స్పందించిన సిబ్బంది.. అనుభవం ఉన్న ఉద్యోగి సహాయంతో పామును పట్టుకుని సురక్షితంగా తరలించడంతో పరిస్థితి అదుపులోకి వచ్చింది.
పాము కనిపించిన సమయంలో సిబ్బంది అప్రమత్తంగా వ్యవహరించడంతో ఎలాంటి ప్రమాదం జరగలేదు. పామును అటవీ ప్రాంతంలో వదిలేయడంతో అక్కడి సిబ్బంది ఊపిరి పీల్చుకున్నారు.
