Vantara Indonesia partnership: ఇండోనేషియాలో వన్యప్రాణుల ఆరోగ్యం, జంతు సంక్షేమం, సంరక్షణకు సంబంధించి కీలక ముందడుగు పడింది. ఇండోనేషియా ప్రభుత్వం, వంతారా (Vantara), స్థానిక వన్యప్రాణుల సంస్థ పిటి ఫౌనా లాండ్ గ్రూప్ (PT Fauna Land Group) మధ్య భారీ భాగస్వామ్యం కుదిరింది. జకర్తాలో నిర్వహించిన ఓ పత్రికా సమావేశంలో ఇండోనేషియా అటవీ శాఖ మంత్రి రాజా జూలి ఆంటోని ఈ సహకారాన్ని అధికారికంగా ప్రకటించారు. దేశంలోని జీవవైవిధ్యాన్ని కాపాడటంతో పాటు ముఖ్యంగా అంతరించిపోతున్న సుమత్రా ఏనుగుల సంరక్షణకు ఈ భాగస్వామ్యం దోహదపడుతుందని అధికారులు భావిస్తున్నారు.