భువనేశ్వర్ విమానాశ్రయంలో గురువారం తీవ్ర గందరగోళం చోటుచేసుకుంది. భువనేశ్వర్ నుంచి కోల్‌కతా వెళ్లాల్సిన ఇండిగో విమానాన్ని సాంకేతిక కారణాలతో అకస్మాత్తుగా రద్దు చేస్తున్నట్లు ప్రకటించడంతో ప్రయాణికులు ఒక్కసారిగా ఆందోళనకు దిగారు. విమానం బయలుదేరాల్సిన సమయం కంటే దాదాపు మూడు గంటల పాటు ప్రయాణికులను నిరీక్షించేలా చేసి, చివరి నిమిషంలో క్యాన్సిల్ చేశారని వారు మండిపడ్డారు. సరైన సమాచారం ఇవ్వకుండా తమను ఇబ్బందులకు గురిచేశారని ఆగ్రహం వ్యక్తం చేశారు. విమానం రద్దు వార్తతో సహనం కోల్పోయిన కొందరు ప్రయాణికులు ఎయిర్‌పోర్ట్‌లోని కంప్యూటర్లు, స్కానర్లను ధ్వంసం చేసే ప్రయత్నం చేశారు.