Last Updated:
బీహార్లోని జముయిలో దారుణ ఘటన చోటుచేసుకుంది. కోచింగ్ క్లాస్ ముగించుకుని స్కూటర్పై వెళ్తున్న మైనర్ బాలుడు, బాలికను కొందరు వ్యక్తులు అడ్డగించి తీవ్రంగా వేధించారు. బాలికపై అసభ్యకరంగా ప్రవర్తించడమే కాకుండా వీడియో తీసి నెట్టింట వైరల్ చేశారు.
బీహార్లోని జముయి జిల్లాలో నైతిక విలువల ముసుగులో కొందరు వ్యక్తులు అత్యంత అమానుషంగా ప్రవర్తించారు. శనివారం సాయంత్రం కోచింగ్ క్లాస్ ముగించుకుని, ప్రసిద్ధ పర్యాటక ప్రాంతమైన మద్వా పహాడ్ వైపు నుంచి స్కూటర్పై ఇంటికి తిరిగి వస్తున్న మైనర్ బాలుడు, బాలికను ఓ దుండగుల ముఠా అడ్డుకుంది. బలవంతంగా వారిని వాహనం నుంచి కిందకు దింపేసి చుట్టుముట్టారు. కుటుంబ సభ్యులకు ఈ విషయం తెలుసా అంటూ తీవ్రంగా ప్రశ్నిస్తూ బెదిరింపులకు దిగారు. ఇంట్లో అందరికీ తెలుసని ఆ బాలిక చెప్పినప్పటికీ వినకుండా, బాలుడిపై చేయి చేసుకుని చెంపదెబ్బ కొట్టారు.
వెంటనే తల్లిదండ్రులకు ఫోన్ చేయాలంటూ ఒత్తిడి తెచ్చారు. భయపడిపోయిన ఆ ఇద్దరు విద్యార్థులు అక్కడి నుంచి తప్పించుకోవడానికి ప్రయత్నించగా దుండగులు వారిని వెంబడించారు. ఆ సమయంలో ఓ వ్యక్తి స్కూటర్ వెనుక కూర్చున్న బాలికపై లైంగిక వేధింపులకు పాల్పడుతూ తీవ్ర అసభ్యకరంగా ప్రవర్తించాడు. తమను వదిలేయాలని, ఇకపై ఎప్పుడూ ఇటువైపు రాలేమని ఆ బాలిక చేతులు జోడించి వేడుకున్నా ఆ దుర్మార్గులు కనికరించలేదు.
Another video linked to the Jamui incident has surfaced. Look at this crowd surrounding the couple—who gave these people the right to decide whether they are a couple, best friends, or simply two people who know each other? Since when did strangers get the authority to police… pic.twitter.com/NknDvpsjBl
— Pinkie (@PinkiePragya) September 21, 2026
నెటిజన్ల ఆగ్రహం ఈ దారుణ ఘటన మొత్తాన్ని అక్కడున్న వ్యక్తులు తమ సెల్ఫోన్లలో రికార్డు చేసి సోషల్ మీడియాలో పోస్ట్ చేశారు. న్యూస్18 ఇంగ్లీష్ కథనం ప్రకారం.. క్షణాల్లో ఈ వీడియోలు వైరల్గా మారి తీవ్ర దుమారం రేపాయి. పట్టపగలు బహిరంగంగా మైనర్లపై జరుగుతున్న మూకదాడిపై నెటిజన్లు, ప్రజా సంఘాలు తీవ్ర ఆగ్రహం వ్యక్తం చేశాయి. నైతిక విలువల పేరిట దాడులు చేసేవారిపై కఠిన చర్యలు తీసుకోవాలని డిమాండ్లు వెల్లువెత్తాయి.
🚨 COUPLE HARASSED BY PUBLIC IN JAMUI, BIHAR 📍
A couple was reportedly harassed and publicly confronted by a group of people in Jamui, Bihar, in the name of “moral policing.People who harass couples in the name of “moral policing” deserve strict punishment. What’s even more… pic.twitter.com/nZcgBH6AOi
— Aarya 🕊️ (@Vitamin_Vk18) September 21, 2026
ఈ వీడియోలపై జముయి పోలీసులు సుమోటోగా స్పందించి దర్యాప్తు ప్రారంభించారు. బాధితులైన మైనర్లను పిలిపించి మాట్లాడారు, పూర్తి వివరాలు సేకరించారు. ఈ అకృత్యంలో పాల్గొన్న ఏడుగురిపై ఎఫ్ఐఆర్ నమోదు చేసి, వారిలో ఇద్దరు నిందితులను అప్పటికే అదుపులోకి తీసుకున్నట్లు పోలీసులు వెల్లడించారు. పరారీలో ఉన్న మిగిలిన నిందితుల కోసం ప్రత్యేక బృందాలతో గాలింపు ముమ్మరం చేశారు.
