ఉత్తుకులి తాలూకా పుంజైతళవాయిపాళ్యం గ్రామానికి చెందిన శశికళ, ఆమె భర్త 35 ఏళ్ల కొలందైసామి ఇద్దరూ సాఫ్ట్‌వేర్ ఇంజినీర్లు. వారికి ఆరేళ్ల కూతురు ఉంది. ఆమె ఇదివరకు సి-సెక్షన్ ద్వారా పుట్టింది. రెండో గర్భం సమయంలో ఆమెను అసలు ఆసుపత్రికే తీసుకెళ్లలేదు. టీకాలు ఇవ్వలేదు. ఏ పరీక్షలూ చేయించలేదు. జూన్ 24న పురిటి నొప్పులు రాగా, భర్త. అత్త పళనియమ్మాల్ కలిసి.. యూట్యూబ్‌లో నేచురల్ బర్త్ వీడియోలు చూస్తూ ఇంట్లోనే ప్రసవం చేయించడానికి రెడీ అయ్యారు. శిశువు సురక్షితంగానే పుట్టినా.. ప్లాసెంటా సక్రమంగా బయటకు రాకపోవడంతో తీవ్ర రక్తస్రావం మొదలైంది.

ఈ సంఘటన గర్భిణుల ఆరోగ్య సంరక్షణలో అవగాహనా లోపాన్ని హైలెట్ చేస్తోంది. ఇలాంటి విషయాల్లో సోషల్ మీడియా, యూట్యూబ్‌లో వచ్చే వీడియోలను ఫాలో అవ్వడం ఎంత ప్రమాదకరమో ఇది బయటపెడుతోంది. ఉత్తుకుని పోలీసులు.. బ్లాక్ మెడికల్ ఆఫీసర్ కంప్లైంట్‌తో భర్తపై బీఎన్‌ఎస్ సెక్షన్ 105 (హత్యగా పరిగణించని నేరపూరిత నరహత్య) కింద కేసు నమోదు చేశారు. ఈ కేసులో కుటుంబం కంప్లైంట్ చేయలేదు. వారు నేచురల్ డెలివరీని ఎంచుకున్నట్లు చెప్పారు. పోలీసులు దర్యాప్తు కొనసాగుతోందని తెలిపారు.

ఈ ఘటనపై ఆరోగ్య శాఖ దర్యాప్తు చేపట్టింది. సోషల్ మీడియాలో వైద్య సలహాలు ఇచ్చే వీడియోలు ఎంత ప్రమాదకరమో ఈ సంఘటన మళ్లీ రుజువు చేసింది. కుటుంబాలు డాక్టర్ల సలహా తీసుకోవాలని, ఇంట్లో ప్రసవాలను నివారించాలని అధికారులు విజ్ఞప్తి చేస్తున్నారు. శశికళ మరణం దేశవ్యాప్తంగా చర్చనీయాంశమై, గర్భిణీ సంక్షేమ కార్యక్రమాలను బలోపేతం చేయాల్సిన అవసరాన్ని గుర్తు చేస్తోంది.